Олий ва ўрта махсус таълим вазирлиги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил

 
6-АМАЛИЙ МАШҒУЛОТ: 
ОЛИЙ ТАЪЛИМДА ИНФОРМАТИКА ФАНЛАРИНИ ЎҚИТИШ
МЕТОДЛАРИ 
 
Ишдан мақсад: олий таълимда информатика фанларини ўқитиш 
методларини ўрганиш. 
Олий таълим тизимида информатика фанларини ўқитишда ҳам турли 
ўқитиш методларидан фойдаланиш мумкин. Айниқса, амалий машғулотлар 
ва семинар машғулотларини ўтишда бу каби методлардан фойдаланиш 
тингловчилар учун қизиқарли бўлиши билан бирга таълим самарадорлигини 
юқори бўлишини таъминлайди. Кўплаб ўқитиш методлари мавжуд бўлиб, 
улар профессор-ўқитувчи томонидан мавзунинг мазмунидан келиб чиққан 
ҳолда танланиши ва қўлланиши керак бўлади.
Катта айлана. Биринчи босқич. Гуруҳ аъзолари ўриндиқларга катта 
доира бўйича ўтириб олишади. ўқитувчи муаммони ифода этади.
Иккинчи босқич. Белгиланган вақт мобайнида (масалан 10 минут) хар 
бир ўқувчи индивидуал равишда қўйилган муаммони ечиш йўлларини ёзиб 
олади.
Учинчи босқич. Айлана бўйича хар бир ўқувчи ўзининг таклифларини 
баён қилади. Гуруҳнинг қолган аъзолари унинг фикрини изохламай, танқид 
қилмай, жим эшитишади ва хар бир банд бўйича таклифни умумий қарорга 
киритиш ёки киритмаслик ҳақида овоз беришади. Умумий қарорга 
киритилган таклифлар доскага ёзиб борилади. 
“Ақлий ҳужум”. “Ақлий ҳужум” жамоа бўлиб муҳокама қилишнинг 
самарали методидир. Унда бирор муаммонинг ечимини топиш барча 
иштирокчиларнинг фикрини эркин ифодалаш орқали амалга оширилади. 
“Ақлий ҳужум”нинг тамойили жуда содда. ўқитувчи синф олдига 
масалани қўяди ва ўқувчилардан ушбу масалани ечиш бўйича ўзларининг 
фикрларини 
баён 
қилишни 
сўрайди. 
Ушбу 
босқичда 
бошқа 
иштирокчиларнинг ғоялари хақида ўз фикрини билдиришга ёки унга бахо 
беришга хеч кимнинг хаққи йўқ. 
“Ақлий ҳужум” ёрдамида бир неча дақиқа ичида ўнлаб ғояларни олиш 
мумкин. Ғоялар сони асосий мақсад эмас. Улар тўғри ечимни ишлаб чиқиш 
учун асос бўлади.
“Ақлий ҳужум” нинг қоидалари қуйидагилардир: 
– таклиф этилаётган ғоялар бахоланмайди ва танқид қилинмайди; 
– ишда ғоялар сони кўп бўлиши керак;
– хар қандай ғояни кенгайтиришга, ривожлантиришга харакат қилиш 
мумкин; 
– хар бир ғоя ёзиб борилади (жуда бўлмаса, очқич сўзлар ёки 
иборалар ёрдамида ); 
– ақлий хужум ўтказиш вақти қатъий ўрнатилади ва унга риоя 
қилинади. 

---

182 
“Ақлий ҳужум” тугагандан сўнг таклифлар тахлил қилинади ва 
улардан энг қимматлилари, кейинчалик улар билан ишлаш учун танлаб 
олинади. Тахлил қилинганда аввало таклифнинг фойдали жихатларига 
эътиборни қаратиш лозим.