Олий ва ўрта махсус таълим вазирлиги мирзо улуғбек номидаги ўзбекистон миллий университети “ИҚтисодиёт назарияси” кафедраси

1. Ўқув фани ўқитилиши бўйича услубий кўрсатмалар
“Инвестиция лойиҳалари таҳлили” фани талабаларга инвестиция лойиҳаларини тузишдан кўзда тутилган мақсадни тушунтириш, лойиҳанинг моҳияти ва турларини ўргатиш, глобал, миллий иқтисодиёт ва корхона кўламида лойиҳаларни молиялаштирувчи институтлар билан таништириш, лойиҳа идеясининг келиб чиқиш асосларини, лойиҳа олди босқичи ҳамда лойиҳа тузиш жараёнлари билан таништириш, талабаларни лойиҳани таҳлил қилиш усулларидан фойдаланишга ўргатиш, лойиҳа самарадорлигини ҳисоблаш усулларини амалий машқлар воситасида кўрсатиш, молиявий таҳлил маҳоратига ўргатиш,лойиҳанинг ўзига хос хусусиятларини ҳисобга олган ҳолда техник, ижтимоий, экологик, институционал, иқтисодий ва тижорат аспектлари бўйича таҳлил қилишга ўргатиш, лойиҳаларни ҳар томонлама таҳлил қилиш асосида хулоса ва тавсиялар ёзишга ўргатиш вазифаларини бажаради.
“Инвестиция лойиҳалари таҳлили” бўйича талабаларнинг билим, кўникма ва малакаларига қуйидаги талаблар қўйилади. Талаба:

3. 
   қабул қилинаётган янги қонунлар ва бошқа норматив хужжатларнинг такомиллашуви натижасида лойиҳаларни ишлаб чиқиш ва амалга ошириш учун очилаётган янги иқтисодий ҳамда қонуний муҳити ҳақида тасаввурга эга бўлиши;
   
4. 
   лойиҳа идеясини келиб чиқиши асослари, лойиҳа олди, лойиҳалаш, лойиҳани эксплуатация қилиш босқичларини олдиндан кўра билиш; лойиҳанинг тижорий фойдасидан ташқари экологик, ижтимоий, институционал ўзгаришлардан олинадиган наф ва уни ҳисоблаш ҳамда баҳолаш тўғрисида билиши ва улардан фойдалана олиши;
   

3) лойиҳани таҳлил қилиш услубиётини; лойиҳаларни таҳлил қилишда фойдаланиладиган нормативларни ва улардан қиёсий хулосалар қилишни; лойиҳаларни муқобил вариантларини таққослаш ва хулосалар қилишни; лойиҳаларни самарадорлигини кўрсатиб, исботлаб беришни ҳамда инвестор олдида ҳимоя қилишни; янги лойиҳа идеяларини ярата олиш ва ишлаб чиқиш кўникмаларига эга бўлиши керак;
4) тайёр лойиҳаларни таҳлил қилиш ва энг самарали вариантини молиялаштиришга тавсия этиш; лойиҳаларни корхона ва инвестор нуқтаи назаридан баҳолаш; лойиҳа олди ҳамда лойиҳалаш босқичларида иқтисодчи сифатида ўз ҳисоб-китоблари билан тавсия бериш бўйича малакаларига эга бўлиши керак.