Олий ва ўрта махсус таълим вазирлиги мирзо улуғбек номидаги самарқанд давлат

Курс лойиҳасининг мазмуни, таркиби ва ҳажми

7-семестрда курс лойиҳасининг бажаришини режалаштиришдан мақсад

• 
  “Бино ва иншоотлар зилзилабардошлиги” фани бўйича маъруза ва амалий машғулотларда олинган назарий ва амалий билимларни лойиҳа-тадқиқотга бағишланган мустақил бажариладиган, жумладан, курс лойиҳасида мустаҳкамлаш, чуқурлаштириш, ушбу билимларни халқаро стандартлар асосида аниқ ва амалий муҳандислик масалаларида қўллаш кўникмаларини шакллантиришдан иборат.
  

“Икки қаватли саноат биносини сейсмик юк таъсирига ҳисоблаш” мавзусида бажариладиган курс иши фаннинг ўқув вазифасига жавоб бериши билан бир қаторда ишлаб чиқариш ва илм-фаннинг долзарб муаммоларига боғлиқ – талабаларда мустақил ижодий ишга бўлган қизиқиш кўникмасини шакллантиришга йўналтирилган [13].
Курс лойиҳасига раҳбарлик топшириқ беришдан бошланади. Лойиҳа раҳбари имзоси ва кафедра мудирининг тасдиқловчи имзоси қўйилган тарқатма топшириқ кафедра журналида қайд қилиниб, талабага берилади. Тарқатма топшириқ (Илова 11 га қаранг) вариантларини тузишда биноларни лойиҳалаш билан боғлиқ бўлган барча масалалар Ўзбекистон Республикасида амалдаги қурилиш меъёрлари-қоидалари ва давлат соҳа стандартлари ҳамда Олий таълим муассасаларида курс лойиҳасини бажариш тартиби ҳақидаги НИЗОМ (Олий ва ўрта махсус таълим вазирлингининг
07.03.2008 й., 61-сонли буйруғи) [8] асосида тайёрланди.
Талаба давлат стандартлари, соҳа меъёрлари ва қоидалари, маълумотномалар, жадваллар, номограммалар, намунавий лойиҳа ва йўриқномалардан фойдаланиш кўникмасини шакллантириши учун курс лойиҳаси ҳажми, таркиби ва мазмуни ҳамда баҳолаш мезони ишлаб чиқишда қуйидагиларга эътибор қаратди:

• 
  бажарилаётган лойиҳанинг мақсади ва вазифаларини, унинг ажралмас қисми бўлган тушунтириш хатида аниқ ифода этиш;
  
• 
  бошланғич ҳисоблаш ва лойиҳалашга оид маълумотларни асослаш;
  
• 
  архитектуравий-конструктив ечимнинг мақбул вариантини танлаш.
  
• 
  лойиҳаланаётган объектнинг асосий қисмлари ҳисобини ва график- чизмаларини қўлда ёки LIRA 9.6 ёки AutoCAD дастурларида бажариш;