Олий ва ўрта махсус таълим вазирлиги фарғона давлат университети табиий фанлар факультети

1.4. Курс ишини расмийлаштиришнинг ўзига хос хусусиятлари

Курс иши мазмунли ва талаба томонидан мустақил тайёрланган бўлиши билан бирга, тўғри расмийлаштирилиши ҳам зарур (1, 2 ва 3 иловаларда берилган).
Курс ишининг структураси умумий ҳолда қуйидагича:

1. 
   Титул (зарварақ) варақ.
   
2. 
   Мундарижа.
   
3. 
   Кириш.
   
4. 
   Асосий қисм (2 та бобдан иборат бўлиши ҳам мумкин).
   
5. 
   Хулоса.
   
6. 
   Адабиётлар рўйхати.
   
7. 
   Иловалар.
   

Курс иши зарварақ билан очилади, унда ташкилот, университет, кафедра номи, ишнинг мавзуси, муаллиф, раҳбарнинг фамилияси, ёзилган жойи ва йили кўрсатилади. Кейинги бетда мундарижа жойлашган бўлиб, унда ҳар бир қисм (боб) ва банд номи бети кўрсатилган ҳолда берилади.
Кириш қисми муаммонинг умумий тарзда қўйилиши, фойдаланилган адабиётлар ва бошқа манбаларнинг шарҳини ўз ичига олади.
Асосий қисмда 1-бобда бевосита муаммо очиб берилади. Бунда фақат масаланинг аҳамиятигина эмас, балки турли муаллифларнинг қарашларини акс эттириш муҳим аҳамиятга эга бўлади. Ишда берилган 2-бобда муаммони хал этиш бўйича тавсиялар берилади.
Хулоса асосан курс иши якунлари, натижаларидан иборат бўлиб, унда билдирилган мустақил фикр ва баҳоларга урғу берилади.
Фойдаланилган адабиётлар рўйхати уч қисмдан: асосий адабиётлар, қўшимча адабиётлар ва ахборот-услубий қўлланмалардан иборат бўлиши мумкин. Асосий матнга кирмаган материаллар ишнинг охирида иловалар кўринишида келтирилади. Улар ҳисоб-китоблар, расмлар, жадваллар, графиклар ва ҳ.к. бўлиши мумкин. Агар иловалар бўлса, улар рақамланади. Ҳар бир илова янги бетдан бошланиши ва юқоридан ўнг томонда тартиб рақами кўрсатилган ИЛОВА сўзи бўлиши лозим. Сарлавҳаси эса бетнинг ўртасидан ёзилади. Иловалар матнда уларга ҳавола берилган тартибда жойлаштирилади.
Матнни ёзиш қоидалари.
Матн А4 (210х297) форматдаги ёзув қоғозига ёзилади. Матнни ёзишда хатбоши тўртта белгига тенг бўлиши керак (1,25 см). Бет ҳошиялари: чапдан - 3 см, ўнгдан - 1,5 см, пастдан - 2 см ва юқоридан – 2 см. Матн 1,5 интервал билан чоп этилади. Агар матн Microsoft Word редакторида чоп этилса, у ҳолда Times New Roman дан фойдаланган маъқул, шрифт ўлчови эса 14 пт бўлиши лозим.