Олий ўқув юртларида ўқув жараёнини кредит-модуль тизимида ташкил қилиш

РО нинг ташкилий тузилмаси

РО талабаларнинг контингентидан ва штатлар жадвалидан келиб чиқиб қуйидаги бўлимлардан иборат бўлиши мумкин: Қайд қилиш бўлими:

• 
  фанларга қайд қилиш ва қайта қайд қилиш жараёнини ташкил қилиш;
  
• 
  фанларга ёзувни тасдиқлаш тизимини ва бекор қилишларни қайд қилишни бошқариш;
  
• 
  талабаларнинг рўйхатини тузиш ва мувофиқлаштириш;
  
• 
  академик гуруҳлар ва потокларни шакллантириш;
  
• 
  баҳо қўйиш сиёсатини мувофиқлаштириш;
  
• 
  талабаларнинг шахсий ўқув режаларини тузишга ёрдам кўрсатиш ва уларнинг бажарилишини назорат қилиш;
  
• 
  талабаларнинг ўқишини кўчириш, четлаштириш, тиклаш ва қайта ўқиши бўйича буйруқларни тайёрлаш.
  

Қабул бўлими:

• 
  реклама ва касбга йўналтириш ишларини ташкил қилиш;
  
• 
  ягона миллий тест жараёнини ташкил қилиш ва ўтказишда ёрдам кўрсатиш;
  
• 
  абитуриентларни комплекс тестлашни ташкил қилиш ва ўтказиш;
  
• 
  янги ўқишга қабул қилинган талабаларнинг шахсий ишларини шакллантириш.
  

Академик ёзувлар бўлими:

• 
  талабаларнинг академик ўзлаштириши бўйича ёзувларни сақлаш, тўпланган баҳо ва кредитлар ҳақида ахборотларни бошқариш, талабаларнинг академик рейтингини баҳолаш;
  
• 
  кафедралар ва факультетлар ўқитувчиларининг (лекторлар, тьюторлар, эдвайзерлар) ахборотлари ва ҳисоботларини сақлаш, ўқитувчилар ҳақидаги ёзувларни сақлаш (профессор-ўқитувчиларнинг у ёки бу шаклдаги талабалар билимларини назорат қилиш ва баҳолашдаги иштироки ҳақидаги маълумотлар банки, лекторлар, тьюторлар ва эдвайзерлар ва бошқаларнинг рўйхатлари);
  
• 
  барча факультетлар бўйича академик ёзувларни ёзиш жараёнларини бошқариш;
  
• 
  GPA кўрсаткичларини ҳисоблаш;
  
• 
  транскриптлар ва дипломлар ёзиш;
  
• 
  олий ўқув юрти ҳаётидаги асосий тадбирларни ўтказиш: дипломларни тақдим қилиш, тантанали маросимлар ўтказиш, бакалаврлар ва магистрларни йиғиш;
  
• 
  статистик ҳисоботларни таҳлил қилиш ва тузиш. Билимлар ва аттестациялар бўлими:
  
• 
  1-курс талабалари учун кириш назорат тадбирлари, экстерн имтиҳонлар, жорий, якуний ва комплекс имтиҳонлар учун тарқатма материалларни тайёрлаш;
  
• 
  1-курс талабалари учун ўқув йили бошида кириш билимларини аниқлашни, экстерн имтиҳонларни ташкил қилиш ва уларни ўтказиш; • якуний назорат ва оралиқ аттестацияларни ташкил қилиш ва ўтказиш;
  
• 
  якуний давлат аттестациясини назорат қилиш.
  

Регистратор ўқув бўлими билан ҳамкорликда олий ўқув юрти ректорига кейинги ўқув йили учун академик тақвимни тасдиқлаш учун тақдим қилади, унда ўқув йили давомида ўтказиладиган ўқув ва назорат жараёнлари ҳамда дам олиш кунлари (таътиллар ва байрамлар) кўрсатилган бўлади.
Кредит таълим тизимида ОР тасдиқланган жадвал асосида талабаларни фанларга қайд қилади ва уларнинг шахсий ўқув режаларини шакллантиради.
Шахсий ўқув режалари (ШЎР) ни тузиш талабалар томонидан намунавий ўқув режалар (НЎР) ва танлов фанлари каталоги (ТФК) асосида эдвайзерлар кўмагида мустақил тарзда амалга оширилади.
ШЎР тўлиқ ўқув даврига тузилади (бакалавриатда – 4 йилга). Ҳар бир академик йил олдидан ШЎР га қўшимча қайд қилишлар орқали тузатишлар киритилади.
ШЎР лар асосида Регистратор академик гуруҳ ва потокларни шакллантиради, у ёки бу фанга ёзилганлар сони етарли бўлмаганда эса талабаларга шахсий ўқув режаларига тузатиш киритиш зарурлиги ҳақида хабар беради. ШЎР лар шакллантириб бўлингандан сўнг регистратор ўқув бўлимига дарс жадвали тузиш учун академик гуруҳ ва потоклар ҳақидаги ахборотни тақдим қилади.
Юқорида таъкидланганидек, РО ҳар бир талаба учун сана ва вақтни қайд қилади (одатда талаба қанча кредит тўплаганига қараб). Қайд қилиш санаси ва вақти битта йўналишда таълим олаётган талабалар учун турлича бўлиши мумкин. Биринчи курс талабалари учун қайд қилиш жараёнлари улар билан касбий ва академик йўналтириш ишлари ўтказиб бўлинганидан сўнг бошланади. Касбий ва академик йўналтириш ишлари факультетлар томонидан белгиланган муддатларда кредит таълим тизими тамойилларини ва келгусидаги касбий фаолияти истиқболларини тушунтириш мақсадида ўтказилади.
Биринчи ўқув семестри фанларини танлаш 25 августгача якунланади, кейинги семестрлар учун – кузги семестрда ноябрь ойининг биринчи ҳафтасида, баҳорги семестрда апрель ойининг биринчи ҳафтасида амалга оширилади.
Олдинги семестр фанларини муваффақиятли ўзлаштирган ва талаб қилинган кредитлар миқдорини (GPA) тўплаган талабаларгагина қайд қилишга рухсат берилади.
Қайд қилиш тартиби қуйидагилардан иборат бўлади:

1. 
   эдвайзерни аниқлаш;
   
2. 
   кафедра мудирлари раҳбарлигида тьюторлар томонидан
   

ўтказиладиган танлов фанлари тақдимотларида иштирок этиш;

3. 
   эдвайзерлардан маслаҳат олиш (танлов фанларини муҳокама қилиш); 4) танланган фанни бекор қилиш шартлари билан танишиш;
   

5. 
   мажбурий ва танлов фанларини кўрсатган ҳолда қайд қилиш шаклларини тўлдириш;
   
6. 
   талабага шахсий қайд рақамини бериш;
   
7. 
   талабага масофавий таълим бўйича шахсий парол бериш;
   
8. 
   фанга қайд қилишга розилигини тасдиқлаш.