«Олий таълимнинг Давлат таълим стандарти. Асосий қоидалар» 1-иловага мувофиқ

8. Кадрлар тайёрлаш сифати ва олий таълим муассасалари фаолиятини баҳолаш
8.1. Кадрлар тайёрлаш сифатини назорат қилиш
Бакалавриат таълим йўналишлари ва магистратура мутахассисликлари бўйича кадрлар тайёрлаш сифатини назорат қилиш қуйидагиларни ўз ичига олиши керак:
(8.1-банднинг иккинчи хатбошиси Ўзбекистон Республикаси Вазирлар Маҳкамасининг 2015 йил 10 январдаги 3-сонли қарори таҳририда — ЎР ҚҲТ, 2015 й., 2-сон, 21-модда)
ички назорат олий таълим муассасаси томонидан амалга оширилади. Ички назорат олий таълимни бошқариш бўйича ваколатли давлат органи томонидан тасдиқлаган Рейтинг назорат тизими ҳақидаги низом асосида ўтказилади;
якуний давлат назорати олий таълим йўналишлари ва мутахассисликлари бўйича уларнинг ўқув режаларига мувофиқ равишда ўқув фанлари бўйича давлат аттестацияси, бакалавриат талабаси учун битирув малакавий иши ёки магистратура талабаси учун диссертация ҳимоясини ўз ичига олади;
(8.1-банднинг тўртинчи хатбошиси Ўзбекистон Республикаси Вазирлар Маҳкамасининг 2015 йил 10 январдаги 3-сонли қарори таҳририда — ЎР ҚҲТ, 2015 й., 2-сон, 21-модда)
давлат-жамоатчилик назорати олий таълимни бошқариш бўйича ваколатли давлат органи, жамоат ташкилотлари ва кадрлар буюртмачилари томонидан белгиланган тартибда амалга оширилади;
ташқи назорат белгиланган тартибда Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан амалга оширилади.
(8.1-кичик бандининг олтинчи хатбошиси Ўзбекистон Республикаси Вазирлар Маҳкамасининг 2019 йил 30 сентябрдаги 821-сонли қарори таҳририда — Қонун ҳужжатлари маълумотлари миллий базаси, 30.09.2019 й., 09/19/821/3833-сон)
8.2 Олий таълим муассасаларининг фаолиятини баҳолаш
Ўзбекистон Республикаси олий таълим муассасаларининг фаолиятини баҳолаш тегишли Таълим муассасалари давлат аттестацияси ва аккредитацияси ҳақидаги низомга мувофиқ тартибга солиниши керак.
Олдинги таҳрирга қаранг.
(1-2-жадваллар Ўзбекистон Республикаси Вазирлар Маҳкамасининг 2015 йил 10 январдаги 3-сонли қарорига асосан чиқарилган — ЎР ҚҲТ, 2015 й., 2-сон, 21-модда)
Вазирлар Маҳкамасининг
2001 йил 16 августдаги 343-сон қарорига
2-ИЛОВА
ЎЗБЕКИСТОН ДАВЛАТ СТАНДАРТИ
Ўзбекистон узлуксиз таълимининг Давлат таълим стандартлари
Олий таълимнинг Давлат таълим стандарти