Олий таълим ўқув режаларидаги фанларга

Кўп оқимли иловалар.

.NET иловалари бир ёки бир нечта жараёнлардан иборат бўлиши мумкин. Жараёнга унинг учун ажратилган тезкор хотира қисми ва ресурслари тегишли бўлади. Ҳар бир жараён илованинг ресурслари бир биридан ажратилган бир нечта доменлари (қисмлари) дан иборат бўлиши мумкин. Домен доирасида бажаришнинг бир нречта оқимлари ишга туширилган бўлиши мумкин. Оқим (thread) ўзида дастурнинг бажарилаётган кодининг бир қисмини мужассамлаштиради. Айрим холларда "thread" атамаси уларни киритиш ва чиқариш оқимларидан ажратиб кўрсатиш учун тўғридан – тўғри — "ип" тарзида таржима қилинади. Шунинг учун айрим адабиётларда “кўп ипли иловалар” атамаси хам қўлланилади.
Ҳар бир жараёнда бирламчи оқим мавжуд бўлиб, улар иловага кириш нуқтаси вазифасини бажаради. Консол иловлар учун бу – Main методидир.
Кўп оқимли иловаларни кўп процессорли ёки бир процессорли системалар учун ишлаб чиқиш мумкин. Бундан асосий мақсад умумий самарадорликни ортти риш хамда иловаларнинг бажарилиш вақтини қисқартиришдан иборат. Оқимларни бошқариш операцион систпема орали амалга оширилади. Ҳар бир оқим маълум бир миқдордаги квант вақтини олади ва бу вақт тугаганидан кейин бошқарув бошқа оқимга узатилади. Бу холат бир процессорли машиналарда бир вақтда ишлаётгоан бир нречта оқим ҳақидаги таасууротларни уйғотади ва масалан, матнларни киритиш ва маълумотларни узоқ муддат давомида узатишга имкон беради.
Кўп оқимлиликнинг камчиликлари:

• 
  катта сондаги оқимлар оқимдан оқимга ўтиш билан боғлиқ бўлган қўшимча вақт сарфини келтириб чиқаради ва бу холат умумий самарадорликни пасайтиради;
  
• 
  бир хил маълумотларга бир нечта оқимлар томонидан мурожаат қилинганда, бу маълумотлар билан ишлашга рухсат олиш учун маълумотларни синхронлаш муаммоси юзага келади. Бунда агар битта оқим умумйи маълумотларни ўзгартиришни бтошлаганда, бу оқим учун ажратилган вақт тугаб қолса, бу маълумотлар билан ишлашга рухсатни кейинги оқим олиши ва бу маълумотларни “бузиб ташлаши” мумкин.
  

9.