Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий методик маркази

iSpring Quizmaker тармоқланган тестлар яратиш имкониятини беради. Фойдаланувчи жавобнинг тўғри, нотўғри ва қисман тўғри бўлган ҳоллари учун аниқ кўрсатмалар бериши мумкин. Агар жавоб тўғри бўлган ҳолатда талаба кейинги саволга ўтиши мумкин, жавоб нотўғри бўлган ҳолатда шу саволга тегишли ахборотлар слайдига ўтиши мумкин. Бундан ташқари, ҳар бир тестнинг жавобининг тўғри ёки нотўғрилиги ҳақидаги хабар чиқариш имкони мавжуд.
Тестни созлаш. iSpring Quizmaker ёрдамида фойдаланувчи навигацияни созлаши, саволларни аралаштириши, плеерни танлаши ва барча хабар ҳамда ёзувларни созлаши мумкин.
iSpring Quizmaker ёрдамида тест ва анкетларнинг тўлиқ натижаларини электрон почтага ва серверга жўнатиш имкони мавжуд. Бунинг учун почта ва сервер манзилини тестни созлаш бўлимига киритиш лозим.
Тест саволлари ва жавобларини киритиб бўлгандан сўнг, уларнинг якуний кўринишини “Просмотр теста” тугмаси орқали тўлиқ шаклда ишлашини текшириб кўриш мумкин.

Тестни хотирада сақлаш ҳам “Публикация” тугмаси орқали амалга оширилади.
MS Excel дастурида тузилган тестларни iSpring Quizmaker дастурига импорт қилиш имконияти мавжуд бўлиб, бу жараён қисқа вақтда катта ҳажмли тестлар таркибини тезкорлик билан дастур орқали автоматлаштириш имкониятини беради.
Муаллифлик дастурий воситаларидан бири ҳисобланган iSpring Suite дастури фойдаланишда ниҳоятда содда интерфейсга эга бўлиб, педагоглар ва турли соҳа вакиллари учун интерактив электрон контентларни яратиш имкониятини беради.

Нaзoрaт сaвoллaри

1. 
   iSpring Suite дастури қандай мақсадларда фойдаланилади?
   
2. 
   3D китоб деганда нимани тушунасиз?
   
3. 
   Тестларнинг қандай шаклларини биласиз?
   
4. 
   Амалиётда асосан қандай тест турларидан фойдаланасиз?
   
5. 
   iSpring Visuals дастури имкониятларини санаб беринг.
   
6. 
   iSpring QuizMaker дастури қандай вазифани бажаради?
   
7. 
   iSpring QuizMaker дастури неча хилдаги тест тузиш имконини беради? 8. iSpring QuizMaker дастурида график объектлардан, видеодан қандай фойдаланиш мумкин?
   

9. 
   Тестларда овоз эффектини бериш қандай амалга ошади?
   
10. 
    iSpring Suite дастурида яратилган маҳсулот хотирада қандай сақланади?