Фойдаланилган адабиётлар ва интернет ресурслари:
Турсунов С.Қ. Таълимда электрон ахборот ресурсларини яратиш ва уларни жорий қилишнинг методик асослари. Moнoгрaфия. -T.: Адабиёт учқунлари, 2018.
Копытова Н.Е., Лоскутова В.И. Использование дистанционных технологий в повышении квалификации педагогических кадров // Вестник Тамбовского университета. Серия: Гуманитарные науки. – 2014.- №9(137). – С.38-42. URL: https://elibrary.ru/item.asp?id=22289245
Электрон таълим бўйича В.С.Хамидовнинг шахсий блоги
http://elearning.zn.uz/
Kaatrakoski H., Littlejohn A., Hood N. Learning challenges in higher education: an analysis of contradictions within Open Educational Practice // Higher
Education. – 2017. – Vol. 74, Issue 4. – P.599–615. DOI: http://doi.org/10.1007/s10734-016-0067-z5. Кречетников К. Г. Социальные сетевые сервисы в образовании / К.
Г.Кречетников, И. В. Кречетникова / Тихоокеанский военно-морской институт имени С.О. Макарова. –http://ido.tsu.ru/other_res/pdf/3(39)_45.pdf
Нурмухамедов Г.Н. Электронные учебные курсы: потребности образования, проектирование, разработка, проблемы и перспективы //Информатика и образование.-2012.-№1.
Растамханова С. Н., Фазлетдинова А. Р., Хафизова Р. Р. «Облачное хранилище данных» в документоведческом аспекте // Молодой ученый. – 2016. – №26. – С. 81-83.
IV. АМАЛИЙ МАШҒУЛОТ МАТЕРИАЛЛАРИ
1-амалий машғулот. Вебинар, онлайн маъруза, «blended learning», «flipped classroom» технологияларини амалиётга
жорий этиш. Масофавий таълим платформалари ва улардан фойдаланиб, таълим жараёнларини ташкил этиш (2 соат).
Ишнинг мақсади - Вебинар, онлайн маъруза, «blended learning», «flipped classroom» технологияларини амалиётга жорий этиш, масофавий таълим платформалари ва улардан фойдаланиб, таълим жараёнларини ташкил этиш бўйича билим ва кўникмаларни такомиллаштириш. Назарий маълумот Вебинар, онлайн маъруза
Вебинар (“webinar” инглизча сўз бўлиб “Web-based seminar” сўз бирикмасининг қисқартирилган кўриниши бўлиб, вебга асосланган семинар, тренинг маъноларини англатади) – онлайн семинар, маъруза, тақдимотларни жонли режимда веб технологиялар ёрдамида ташкил этиш. Ҳар бир иштирокчи географик жойлашувидан қатъий назар ўзининг интернет тармоғи орқали қатнашади.
Бундай вебинарлар кимлар учун фойдали бўлиши мумкин?
Вебинар онлайн режимда ёки компаниянинг корпоратив тармоғида турли тадбирлар ёки масофавий тарзда билим олишни мувофиқлаштириш учун мўлжалланган восита ҳисобланади. Бундай кўринишдаги замонавий ахборот технологияларидан фойдаланиш бир-биридан географик жиҳатдан узоқда жойлашган ташкилотларнинг офислари ёки филиаллари орасидаги алоқани таъминлаш учун хизмат қилади.
Веб-семинар, вебинар технологиялари ёрдамида турли мавзудаги музокаралар, онлайн учрашувлар, тақдимотлар каби турли тадбирларни олиб бориш имкониятини беради. Бу эса ўз навбатида вақтни ва молиявий ҳаражатларни тежайди.
Бундан ташқари вебинар таълим беришга йўналтирилган давлат ва нодавлат таълим муассасаларида (яъни ўқув марказлари, консалтинг маслаҳат марказлари бўлиши мумкин) катта қизиқиш уйғотмоқда. Ушбу вебинарлар ёрдамида масофавий маърузалар, анжуманлар, тренинг ва ўқув машғулотларни ўтказиш мумкин, бу эса ўз навбатида уларга ҳамкорлик қилувчиларнинг сонини ошишига яхши хизмат қилади.
Вебинар ўтказиш учун серверга (бундай серверлар вебинарни ташкиллаштирувчи ташкилотга қарашли ёки махсус ижарага олинган ускуналар бўлади) ўрнатилган махсус дастурий таъминотлар мажмуасидан фойдаланилади.
Do'stlaringiz bilan baham: |