Олий таълим тизими педагог ва раҳбар кадрларини қайта тайёрлаш ва уларнинг малакасини оширишни

Кейсни ечиш жараёни: 
1.
Тингловчилар кейс моҳиятини у билан танишиш орқали кичик 
гуруҳда муҳокама қилинади. 

---

139 
2.
Тингловчи кичик гуруҳ аъзолари билан ҳамкорликда муаммони ҳал 
этишга замин тайёрлайдиган омилларни аниқлайди. 
3.
Муаммони ҳал этишга имкон берадиган омиллардан энг муҳимлари 
ажратиб олинади. 
4.
Кичик гуруҳ аъзолари умумий фикр асосида энг муҳим омилларни 
баён этади. 
5.
Кичик гуруҳларнинг фикрлари таҳлил этилади ва умумий хулоса 
ясалади. 
Ўқитувчининг ечими 
Факультет 
раҳбарлари 
ўқитувчининг 
педагогик 
фаолиятидаги 
камчиликларни ўрганишда хатоликка йўл қўйган. Бу ҳолатда педагогик 
квалиметриянинг аноним сўровнома методидан фойдаланиш ва олинган 
натижаларни муҳокама этилиши лозим эди. 
3-кейс.
Факультет илмий Кенгашида “Йилнинг энг яхши ўқитувчиси” 
танловига номзодлар танланмоқда. Бакалавриат йўналишининг 3 курсида 
турли курслардан машғулот олиб борадиган 2 та профессор-ўқитувчининг 
педагогик фаолияти ва эришилган натижалар таҳлил этилмоқда. Ҳар иккала 
устознинг ҳамма кўрсаткичлари бир хил, лекин талабаларнинг фанлар 
бўйича ўзлаштирган билимлари таҳлилида фарқ мавжуд. 
Биринчи устоз талабаларнинг фанлар бўйича ўзлаштирган билимларини 
стандарт тест топшириқлари билан баҳолаган ва 100% ўзлаштириш ва 60% 
таълим самарадорлигига эришган. 
Иккинчи устоз талабаларнинг фанлар бўйича ўзлаштирган билимларини 
ностандарт тест топшириқлари билан баҳолаган ва 98% ўзлаштириш ва 50% 
таълим самарадорлигига эришган. 
Илмий кенгаш йиғилиши биринчи устозни танловда ғолиб деб топган 
ва рағбатлантирилган. 
Саволлар: 
1.
Факультет илмий Кенгаши ушбу масалани ўрганиш ва таҳлил 
қилишда қандай хатога йўл қўйди? 
2.
Ушбу масала қандай ўрганиш лозимлиги ҳақида тавсия ишлаб 
чиқинг. 
3.
Сиз қандай фикрдасиз, Илмий кенгаш йиғилиши тўғри қарор қабул 
қилдими?
4.
Сиз ушбу муаммони қандай ҳал этган бўлардингиз?