Олий таълим тизими педагог ва раҳбар кадрларини қайта тайёрлаш ва уларнинг малакасини оширишни

Ўқитувчининг ечими 
1-омил: Давлат Тест маркази томонидан фанлар бўйича тузилган тест 
топшириқлари стандарт тестлар бўлиб, абитуриенларнинг фан асосларини 
ўзлаштириш даражасини аниқлашга эмас, балки уларнинг хотирасининг 
кучлилик даражасини аниқлайди. 

---

138 
2-омил: Профессор-ўқитувчилар ўқишга қабул қилинган талабаларнинг
нутқ ва мулоқот маданияти, ўз фикрини баён этиш, фикрини асослаш 
кўникмалари, ижодий ва мустақил фикр юритиш кўникмаларини 
ривожлантириш мақсадида ностандарт ўқув ва тест топшириқларидан 
фойдаланиши лозим. 
 
2-кейс. 
Олий таълим муассасасининг “Аноним хатлар” қутисига табиий 
фанлар факультетида педагогик фаолият юритаётган Ҳасан Ҳусановичнинг 
таъмагирлиги, талабаларга тазйиқ ўтказиши ҳақида маълумот келиб тушди. 
Факультет декани Ҳасан Ҳусанович машғулот олиб борадиган гуруҳ 
талабалари билан Ҳасан Ҳусанович иштирокида умумий тарзда суҳбат 
ўтказди. Хатдаги фактлар тасдиқланмади. Бу ҳолатни қандай изоҳлаш 
мумкин? 
Саволлар: 
1.
Факультет декани ушбу масалани ўрганишда қандай хатога йўл 
қўйди? 
2.
Ушбу масала қандай ўрганиш лозимлиги ҳақида тавсия ишлаб 
чиқинг. 
3.
Нима сабабдан суҳбат давомида талабалар томонидан Ҳасан 
Ҳусановичнинг педагогик фаолиятидаги камчиликлар борасида фикр 
билдирилмади?
4.
Сиз ушбу муаммони қандай ҳал этган бўлардингиз? 
 
Тингловчиларга тавсия этиладиган манбалар:
Ўзбекистон Республикасининг Конституцияси, “Инсон ҳуқуқлари 
декларацияси”, Ўзбекистон Республикасининг Олий таълим муассасалари 
Низоми, Педагогик квалиметрия. 
Тингловчилар учун кўрсатмалар: 
1.
Кейс моҳиятини етарлича англаб олинг. 
2.
Муаммонинг ечимини топишга хизмат қилувчи омилларни аниқланг. 
3.
Аниқланган омиллар орасидан муаммога барчасидан кўпроқ даҳлдор 
бўлган омил (ёки иккита омил)ни ажратинг. 
4.
Ана шу омиллар асосида ечимни асослашга ҳаракат қилинг. 
5.
Ўз фикрингизни баён этинг.