Олий таълим муассасаси

35. Бош энергетикнинг лавозим вазифалари:

• 
  Электр энергиясининг, шунингдек телефон алоқаси, радиоузел, автоматлаштирилган қўнғироқлар ва сигнализацияларнинг ўрнатилган лимит доирасида узлуксиз ва сифатли таъминланишини ташкил этиш;
  
• 
  Электр энергиясининг иқтисод қилиниши бўйича чора-тадбирлар ишлаб чиқиш, университет объектлари орасида электр энергиясининг мақсадли тақсимланишини назорат қилиш;
  
• 
  Электр энергияси ҳўжалигидаги авариялар ва яроқсиз ҳолатга келган воситаларнинг ҳисобини юритиш ва таҳлил қилиш;
  
• 
  Бўйсунувчи персонал томонидан ҳаракатдаги қоида ва инструкцияларга риоя қилинишини назорат қилиш;
  
• 
  университетнинг энергия истеъмоли бўйича ҳисоб-китобини юритиш, университетнинг энергия балансини тайёрлаш;
  
• 
  Ташқи ташкилотлар билан энергия истеъмоли бўйича шартномалар расмийлаштириш;
  
• 
  Электр энергиясининг, шунингдек телефон алоқаси, радиоузел, автоматлаштирилган қўнғироқлар ва сигнализациялар тизимларининг профилактика ишлари ва таъмирланишининг ўз вақтида ва сифатли бажарилиши ҳамда уларнинг техник ҳолати устидан назоратни амалга ошириш;
  
• 
  Электр жиҳозлари, вентиляция қурилмалари ва бошқалар эксплуатацияси бўйича ҳамда бўйсунувчи персоналнинг лавозимлар инструкциясини ишлаб чиқиш;
  
• 
  университетни қиш мавсумига тайёрлаш бўйича чора-тадбирларни амалга ошириш;
  
• 
  университет объектлари ва хизматларида ҳимоя воситаларининг мавжуд ҳолатини назорат қилиш, уларнинг яроқлилик ҳолатини текшириб бориш;
  
• 
  Энергетик тизим ва қурилмалар изоляцион қаршилигининг дастлабки ва мунтазам текширувларни ташкил этиб бориш;
  
• 
  Зарур материаллар ва асбоб-ускуналар учун буюртмалар расмийлаштириш, омборда сақланаётган моддий-техник воситалар ҳисобини юритиш;
  
• 
  Энергия объектларини қайта таъмирлаш ва модернизация қилишни лойиҳалаштириш ташкилотларига буюртма бериш ва ишларнинг
  

бажарилишини назорат қилиш;

• 
  Инструкция ва қоидаларнинг бузилишидан келиб чиққан қоидабузарликларга нисбатан чора кўриш учун керакли ҳужжатларни раҳбариятга тақдим этиш.
  

Билиши керак:
Ёнғин хавфсизлиги, хавфсизлик техникаси қоидаларини ҳамда техника қоидаларини, университет бинолари ва талабалар турар жойларини электр энергияси тизимини, техникаси ва хавфсизлик қоидалари, юқори ташкилотларнинг қарорлари, фармойишлари, буйруқларини, университетга энергетика соҳасида хизмат кўрсатишга доир услубий ва меъёрий ҳужжатларини, университетда ишлаб чиқаришни энергия билан таъминлашни ташкил этиш, энергиядан фойдаланувчи қурилмаларнинг ишлаб чиқариш қувватлари, техник тавсифи ва иш режимлари, уларни ишлатиш қоидаларини билиши.