Олабўжи романдан катта хикоя

Кечирасиз, хурсандчиликдан маст бўлдим. Э, менинг юрагим... – Сўнг 
Ултоннинг кўксига қўлини узатди ва ёқасидан чимдиб ушлади. – 
Опамни... Уф-ф! Нима дейишниям билмайман. Бир нарса денг. 
– Опангиз ажойиб инсон! – деди Ултон. Сўнг мулоҳаза қилмай 
давом этди: – Мен Оқсувга келганимдан кейин, хўш, амбулаторияга 
ишим тушган. Тоғда бир аҳмоқнинг беш-олтита ўқи теккан эди... 
– Биламан, – деди Умид ҳансираб. – Ҳожар хола айтиб эди. Ўша 
кундан кейин... 
– Ҳм, бу қисмат экан, ука. Бўлмасам, шунча ёшга кириб... 
– Опам ҳам... 
– Балли. 
Умид бирдан узалиб, Ултоннинг чаккасидан ўпиб олди. Тағин 
ниманидир сўрамоқчи бўлди-ю: 
– Всё! – деди. – Нарёғи... Йўқ! Всё хорошо, кагда всё харашо 
кончится! Я правилно говорю, почча? Узр... Мени уринг. 
– Умиджон... 
– Я пас! Кетдик... Энди менинг кўнглим жойига тушди. Энди 
ичамиз. 
Ултон бош ирғаб буриларкан, “нарёғи йўқ”ни эслаб, иккиланмай 
деди: “Ўша, ярадор бўлиб борган кунимгача... Баҳорнинг ўтган кунлари 
(демак, ойлари, йиллари)ни кўзда тутаётир бу йигит. 
Демак, бир “сир” бор экан.” 
Кейин юраги шундай сиқилдики, дод деб юборса: “сир-пир” ҳақида 
ўйламасликка қарор қилган эди-ку? 
Ҳамон уни таъқиб этади бу ҳол: кутилмаган жойдан... 
...”бош чиқаради”. 
Нима у ўзи? 
Ё у ёқли-ё бу ёқли бўлмагунча... 

---

426 
...кун йўқ шекилли. 
Даврага қайтишлари билан яна чапак гуриллади. Ва яна хитоблар 
эшитила бошлади: 
– Сарпо қуллуғ бўлсин! 
– Тепкилаб кийинг, домла! 
– “Сен тўзи, мен тўзимай!” денг. 
Ултон таъзим қилиб жойига ўтираркан, Хуррам девона нағмасини