Олабўжи романдан катта хикоя

Зокир Ўринов унинг “справка”сини муаллимларга кўрсатиб: “Падарига 
лаънат шуни берган дўхтирнинг! Касал эмиш-а!...” деган, хатда қайд 
қилинган хасталикнинг номини ҳам биров ўқий олмаган эди. 
Ултон ўша “воқеа”ни эслади-ю, юраги шувиллаб кетди: “Уни 

---

410 
Баҳор ёзиб берган бўлса-я? – деб ўйлади. – Баҳор... 
...Пахта очилиши учун ҳам, япроғи тўкилиши учун ҳам 
сепиладиган дориларнинг нечоғлик зарарли эканини биладиган Баҳор, 
демак... 
бошқаларни аямайди-ю, бунинг отаси – кимсан Бўтабой Сўпи! 
Ўгай онаси дугонаси бўлгани учун... 
Баҳор уларга қандайдир даражада қарам; манфаатдор...” 
Ултон хўмрайиб: 
– Йўқ, келиб яхши қипсан, – деди йигитчага. – Тенгдошларинг 
меҳнат қилаётганда, четда туриш... 
– Мактаб ремонтидаям ишладим, –деди Зиёдулла. 
– Ҳа-я! – Ултон ниҳоят жилмайди. – Шундай бўлиш керак. 
– Хўп. 
– Йўғасам сен менинг анави... меҳнат қуролларимни оборавер. Биз 
ҳозир бу ёқдан тушиб борамиз. 
Зиёдулла бурила солиб қирга тирмаша кетди. 
Шу пайт мошина “бип-бип”лаб пастга эна бошлади. Ва тўхтадим 
деганда Ултон бориб, Тиркашнинг ёнига кириб ўтирди. 
– Оға дейман, ўтириб қолган мошинани чиқаришниям 
ўргатганми? – сўради ҳайдовчи. 
Ултон унга тикилди. 
– Ким? 
– Ўқишда-да. 
– Шуям ҳазил бўлди-ю! – Ултон сигарет чиқарди. 
– Менгаям. 
Ултон битта сигаретни тутатиб унга берди. Кейин чимирилиб, 
мошина ўрлаётган қирга қарай бошлади. 
– Шопири йўқми бунинг? 
– Бўлганда, шу кўйга тушармидим... Кеча бир тўйда кўпроқ отиб 
қўйган экан. Илтимос қилди. Майли-да, минг қўйлининг иши бир 

---

411