Олабўжи романдан катта хикоя

ёпирилиб бораётган ўқувчилар қатори шаҳдам одим отди. Ва кабинадан 
тушаётган дала бригадири Тиркашга: – Оға, бир минут кутасиз! – деди. 
Бу йигит – Эргаш чўлиқнинг акаси эди. 
– Ҳе, сизга ўзимиз ёзиб қўямиз! – деб кўришди у. – Бир тонна 
етадими? 
– Раҳмат, – деди Ултон. 
– Шошманг йўғасам... Сиз уйга бориб, ул-бул қилиб чиққунча, биз 
ярим йўлга етамиз! Мен йигирма минутдан кейин қайтиб келаман. 
– Ўзи, қаерга борасизлар? 
– Ана, Қурисойга! 
– Унда мен пиёда бораман. 
Ўша сой Ултонларнинг уйи ортидан бошланадиган тўрт-беш 
тепаликдан кейин келар эди. 
– Ихтиёрингиз. 
Ултон иҳота тошлардан ошиб ўтиб, тиканзорга тушди. 
Кулбасига етавериб, Гижингтойни ўрнида кўрмади ва сал ҳайрон 
бўлди: “Оптушиб боғлашганми? – деб ўйлади. – Ҳим, мениям 
кутишган...” 
Ултон йирик-йирик одим отиб, шунинг учун чайқалиб-чайқалиб 
ёнбағирдан энаркан, уйларидан берироқда таёғига иягини тираб қараб 
турган отасини кўрди... 
– Ассалом айлайкум! 
Бобо таёқни елкасига суяб, ўғли билан қўш қўллаб кўришди-да, 
бўйнини гаж қилиб: 

---

401 
– “Скори”дан тушганингни кўриб чиқдим. – деди. – Ҳа, яхши дам 
олдингларми? 
– Ҳа, – Ултон чолга қарамай, қуйига – иморат айвонига тикилди. 
– Меҳмонлар ҳалиям кўп-у? 
– Худога шукур, яна келишади, – деди чол. – Қуллуқ бўлсинга... 
– Ота, биз пичанга кетяпмиз. 
– Сизни озод қилса бўларди-ку? 
– Нега энди... Менинг улардан нимам ортиқ? – Ултон шу 
фурсатдан фойдаланиб отасига кўз тикди-ю, бир тўсиқдан ошгандай 
бўлиб сигарет тутатди. 
– Бу гапингиз ҳам ўринли.