Олабўжи романдан катта хикоя

айланаётган барг-ранг вертолёт кўз олдига келди. Кейин тош босган 
арча буталари орасида ётган айиқ... 
Баҳор “айиқ воқеаси”ни билса-да, “Етимчўққи” эсида қолмаган 
экан. 
– Ҳақиқатан ёлғиз-а? – деди. – Устига чиқиб бўладими? 
– Йўқ. 

---

357 
– Ана, бургут айланяпти! 
Ултон чўққининг ўнг тарафидаги айри тизмага ишора қилди. 
– Ана шу кам
19
дан ўтсак, Зовбошига чиқамиз. У ерда 
бўритиканлар гуллаб ётипти... Худди наъматакка ўхшаб гуллайди. 
Кечалари ой нурида оппоқ бўлиб туради. 
– Ўша ерга борайлик! Узоқми? 
– От бор-ку? – Ултон кулумсиради. – Бир ёнбош бўлиб ўтирасиз. 
– К черту! Борамиз! – деди Баҳор. – Эй, ўзимизда... аёллар эгари 
бўлмайди-я? Киноларда кўрсатади-ю, қоши қийшиқ эгар? 
– Графиня хонимлар ўтирадиган эгар? – Ултон мийиғида 
истеҳзоли жилмайиб, айни чоғда ғурур билан ўрнидан турди. – Бизнинг 
қадимги турк аёллари ҳатто яланғоч отларни миниб, ёй тортиб, жангга 
кирганлар! 
– Биз ҳам энди... 
– Йўқ, биз – уларнинг оқавалари, холос. 
– Тақдирда бори шу экан-да... Ана, анна! – дея Баҳор бирдан 
эрининг қўлидан ушлади. 
Қўрғондара кўчгандай бўлди. Ва мовий кўкда узун оқ тутун ўрлаб, 
буларнинг устидан ўта бошлади. Тутуннинг бошида ёй ўқидек нуқта бор, 
у тутунни “тортиб” бораётгандай эди. 
82 
Баҳор тағин эгарда – оёғини эгар қошидан ўтказиб ўтирар, Ултон 
уни етаклаб Етимчўққининг кунгай томонидан кетар экан, қайнаб 
қотган буламиқдай жигарранг товатошдан қарсиллаган товушлар 
таралар, чумчуқларнинг чирқиллаши ҳам темир жарангидек совуқ 
эшитилар эди. 
Тепадан “ҳув-ҳув”лаб ёввойи каптарлар ўтди.