Олабўжи романдан катта хикоя

 
 
 
 
 
38. 
– Да-а, – Бош котиб хийла бўшашиб, креслога ўтирди. Фотиҳа 
ўқимоқчи сингари ховучини очиб, юзига “ёпти”. Сўнг манглайидан 
иягигача сийпаб туширди. 
Ултон Қўчқоровнинг астойдил ғазабда эканига мутлақ ишонди, 
энди у кишига негадир ачиниб: 
– Узр, – дея жойига чўкди. 
– Узрни анавинга айт, – пишиллади Қўчқоров. – Сендан ҳам хафа 
бўлдим-е, қизим... – Кейин томоғига бир нима тиқилгандек, йўталиб 
қолди. 
Баҳор нимадир демоқчи эди, униям йўтал тутди. Кейин у ўрнидан 
туриб кетди. 
– Менга жавоб беринг, ўртоқ Қўчқоров? – деди. – Ана, заключение! 
Бу кишидаям бўлса керак... – Кейин рўмолчсини сумкасига солди. 
– Ўзи-ку, бизни юбормасангиз ҳам бўларкан... Ўзим ҳам сезган 
эдим. 
Қўчқоров тахта ойнада ётган қоғозга тикилди, сўнг уни аста олиб 
ғижимлади-ла: 
– Падарига лаънат, бюрократлик қонимизга сингиб кетган-да, – 

---

174 
деди. – Бу системанинг турган-битгани қоғозбозлик... Маяковский беижз 
куймаган: “Қоғозбоз”ликни йўқ кўрарга кўзим...” Ўттизинчи йилларда 
айтган-а, тавба! – Гўё ўзи билан ўзи гаплашаётган Тўқлибой Қўчқоров 
бирдан Баҳорга бақириб юборди: – Қаёққа! 
– Иш битди-ку? – деди у. 
– “Иш битди”. Иши битибти-ю... Қаёққа борасан энди? 
– Оқсувга. 
– Ўтир! 
Баҳор ўтириб, деворга қақради. 
Тўқлибой Қўчқоров Ултонга манглайи остидан яна шундай 
тикилдики, кўзларидаги ёғду аланга олгудек бўлиб кетди. Ултон унинг 
сўкиб юборишини ҳис қилиб (сўкса, ўзиям қайтмайди: айниқса, ҳозир): 
– Хўш, мен нима қилай? – деди. – Лекин, сиздан илтимос, мени