Олабўжи романдан катта хикоя

– Сенга нима иш буюрган эди? 
Наби хокисорлик билан жилмайди. 
 
– Сизни райкомга оборишни буюрган эди. – Сўнг: – A-a-a! – деди-
да, ўнг қўлининг бақувват бармоқларини ёзиб, кафтини тутди. – 
Ташланг бешни! 
Ултон четга тортилди. 
– Нима учун? 
– Тўқлибой Қўчқорович айтган эканлар. Муаллимни опкелсин 
мошинангиз, деб. 
Ултон хўрсинди. “Прима”дан тағин биттани тутатди-да: “Эй, нега 
энди?” – деб ўйлади кутилмаган ҳаяжон билан. Айтиш жоизки, бу 
ҳаяжон қўрқувга яқин эди. Чунки ундай одамлар Ултонга ўхшаган 
оддий муаллимни (гарчи ўзининг собиқ ўқувчиси бўлса-да) бекорга 
чақирмайди. Кейин Ултон баттар ҳайрон бўлди ва қандайдир бўғриқиб: 
– “Нима учун энди?” деб ўзидан сўради-ю, буни жавобини топадигандек, 
хаёлга толди. 
 
 
 
 
 
 
3 
“Домсовет”нинг олди – бетон плиталар ётқизилган текис майдон. 
Майдон адоғида турли хил мошиналар тумшуқларини оппоқ иморатга 
қаратиб туради. 

---

11 
Майдон ортида (тўрт зина пастга тушгач) антиқа боғ ястаниб 
ётади. Боғ учбурчак шаклида бўлиб, учи катта йўлга санчилиб тўхтайди. 
Ана шу “уч”нинг икки ёнидан иморат томонга икки йўл ўрлаб, бинони 
айланиб ўтгач, бири – гўристонли боғнинг пастидан, бири – устидан 
ўтиб, ёнбағирга чиқади: уёқ – тоғ, Олатоғ бағирлари, даралари, сойлари, 
арчазор, чўққилари ва... осмон этаги. 
...Наби “Газик”ни чўпон қўралари эшиги – энгаракка ўхшаш 
дарвозадан киритиб, майдон четига етгач, тумшуғини иморатга буриб 
тислантирди. 
– Келдик! 
– Қайтиб кетасанми?