Олабўжи романдан катта хикоя

бўлиши учун: 
– Тақсир, эркакка тегишли шундай... ҳадислардан ҳам бордир? – 
деб сўради. 
Абдуқаюм чўчиб тушди: бундай вақтда савол бериш... 
– Жуда кўп. – Домла пинак бузмади. – Лекин мен сиз... ларга бир 
воқеани айтиб бераман. 
– Бош устига, – деди Абдуқаюм. 
– Эшитамиз, – деди Дунё ҳам. 
Домла хиёл тебраниб, бошлади: 
– Пайғамбаримиз Муҳаммад Мустафо Саллоллоҳу Алайҳи 

---

275 
васаллам Жаброил Алайҳиссалом билан меърожга чиққанларида, 
учинчи осмонда дедилар: “Кўрдимки, бир тарафда семиз, покиза 
гўштлар турибдур. Иккинчи тарафда нопок гўштлар турибдур. Покиза 
гўштларни қўюб, нопок гўштларни еб тургон жамоат кимдур?” 
Жаброил деди: “Бу жамоа ўзлариға буюргон ҳалол хотунларин қўюб, 
ҳаром хотунлар ила суҳбат қилғувчилардур”. 
Қариянинг тили-ташбеҳигина ўзгариб қолмасдан, унинг оҳангиям 
тиловат қилаётган пайтидаги каби маърузабоп жаранг касб этган эди ва 
домла... 
...боя замонавий йўсинда гап бериб, жавоб қайтараётган чолга... 
...ўхшамас эди. 
Гўёки, бояги гап-сўзлар шунчаки сиртқи либоси бўлиб, ботини – 
шу тилу шу оҳангда. 
– Ҳикоя маъносини уқдингизми? – Ултонга қарамасдан сўради 
домла. 
– Ҳа, тақсир, – хитоб қилди Ултон. – Эр... хотинига содиқ бўлиши 
керак! – Баҳорга қараб олди. Унинг кўзи ерда эди. – Бўлса, яна айтинг, – 
деди Ултон. 
Зикриёхон домла эгилинқираб, яна бошлади: 
– 
Пайғамбаримиз 
Муҳаммад 
Алайҳиссалом 
заминга 
тушганларидан кейин ҳикоя қилдилар: “Сўнгра бир тўда хотунларни 
кўрдумки, кўкракларидан осулуб қўюлубдурлар. Мен Жаброилдан