Олабўжи романдан катта хикоя

кўнгли тубидан чиқа бошлади: – Ахир, энди, мактабда нима айб? 
Мактаб – Зокир Ўриновнинг хусусий маҳкамаси эмас-ку? Унинг яхши 
бўлишидан аввало совхоз директори манфаатдор-ку? Қолаверса, бу... 
Тўқлибой Қўчқоров бошини эгди. 
– Яна нималарни ёзган экан? Ўриновинг... Бўтабой Сўпиевич 
ҳақида? 
Зокир Ўриновнинг гўё Ултоннинг “кишиси”дек айтилиши йигитга 
ўтиб кетди. 
– Анча-мунча ҳақ гапларни ёзганлар, – деди баттар дадилланиб. – 
Масалан, кутубхонанинг очилиш-очилмаслиги Бўтабой Сўпиевичнинг 
кичкина хотинига боғлиқ. У киши кутубхоначи-да...– Тўқлибой 

---

19 
Қўчқоровга қараб сўзларкан, овози титраб кетди: – Болалар китоб 
ўқиши керак. Ҳозир ўқишмаса, қачон ўқишади... Бунинг устига, китоб 
жамғармаси жуда камбағал! Бир марта кириб кўрдим, домла. Ўрисча 
китобларга тўлиб кетган... 
– Яхши-ку? 
Ултоннинг эти жимирлаб кетди. 
– Ҳа, энди, – деди чайналиб. – Ленин биринчи галда она тилларида 
ўқишлари керак. Қолаверса, улар ўрисчани яхши билишмайди ҳамда 
бизда ўрислар ҳам йўқ ҳисоб... 
Тўқлибой Қўчқоров боз бурчакка кўз қирини ташлаб олди-да: 
– Да, буни ўйлаб кўриш керак экан, – деди. – Хўш, Бўтабой 
Сўпиевнинг ўша ёш хотинга уйланганини ҳам ёзгандир ҳойнаҳой? 
Ултон сергак тортиб: 
– Ҳа, – деди. – Ленин бундан ўзлари кейинчалик пушаймон 
қиляптилар... 
– Нима учун? 
– Энди, у хоним... Сўпиевга суйишиб теккан эканлар-да. 
Қўчқоров шўхчан бир гурунг бошламоқчига ўхшаб кетди-ю: 
– Хўш, яна нималарни ёзган экан? – деди. 
Ултон у кишига тикилди: тергов қиляптими? Бировлар ҳақида 
кўпроқ нарсани билиб олиш учунми? Йўғ-е, бу савол-жавоб ўз-ўзидан