Олабўжи романдан катта хикоя

шампанни хотирлаб, беихтиёр у ёққа кўз отди. – А-а-а... 
– Нима, “а-а-а?” – деди Баҳор. – Ё шампанни хумори тутдими яна? 
Ултон узатилган қўли билан ёқасини ушлади. 
– Ё тавба! 
– Ҳа? – Қиз энди қиқиллаб кулган эса-да, кафтини оғзига тутди. 
– Музика қўяйми? 
– Майли, қанийди, – деди Ултон иттифоқо Хуррам дарвишнинг 
мунгли қўшиқларини эслаб. 
– Лекин ташқарида шампан ҳам бор... 
– Йўғ-э! 
Қиз кесатгандай эди. Ултоннинг манглайи терлай бошлаб: 
– Бор, – деди сезиларли киноя билан. – Ишонмайсизми? 
– Вей, ўлибманми ёзувчига ишонмай? 
Бу гапни ҳам самимий деб бўлмас эди. Бироқ ўзининг кимлигини 
фавқулодда эслатгани учунми, қизнинг гапларидаги киноя Ултон учун 

---

128 
кучини йўқотди. У орқага сал тортилиб: 
– Хўп, шишани бера қолинг, – деди. 
Қиз яна ноз қилди. 
– Қандай бўларкан, меҳмонни хизматга қўйсак? 
– Бу сираям хизмат эмас, хоним, – деди Ултон. – Ахир, мундай 
муҳитда эркак одамнинг бунақа ишларни қилиши бурч ҳисобланса 
керак? 
– Бўлмаган гап! – деб юборди Баҳор. – Унда эркакнинг эркаклиги 
қаёққа кетди!.. Э, муллака, сиз овруполик эмассиз, сиздан овруполик 
чиқмайдиям. Бунга хафа бўлмасангиз керак? Раҳмат... Так что, рухсат 
этинг, биз хизмат қилайлик! Энди-и, – чўзиб деди, – уйингизга яна 
меҳмонгами, бошқа бир муносабат билан чақирилгандами... Рюмкани 
олинг! 
– Раҳмат сизга, Баҳор! 
– Саломат бўлсинлар! – Ўзиям қадаҳни қўлига олди. – Хўш, бирон 
нарса дейдиларми? Балки байт айтарсиз? 
– Байт... – Ултон миясини “кавлаб”, тиришиб, бундай чоғда – 
маҳбубу маҳбуба суҳбатида айтиладиган шеърлардан ёдида қолгани