Олабўжи романдан катта хикоя

– Бундан кейин ҳам шундай деяверамиз! – тасдиқлади Ултон ва 
тиззасига урди. – Лекин инсонни тарбиялаб бўлмас экан. 
Ашим бақрайиб қолди. 
– Да-да, – деди Ултон. – Инсон ўзини ўзи тарбия қилмагунча – 
бариси бекор. Агар шуни истаса, унда адабиёт ҳам ёрдамга боради. – 
Баъзан битта асар одамни ўзгартириб юбориши мумкин-ку? 
– Масалан, сени ўзгартиролдими? 
– Оз-моз, – деди Ашим мўлтираб. – Масалан, “Сўна”ни ўқиб 
атрофга қарасам... 

---

116 
– Хўш-хўш? 
– Мисол учун... 
– Гапир! 
– Гапирмасам ҳам, ўзингиз... биласиз. Баъзи луқмаларингиздан 
аниқ билинади, биз ҳам... 
– Хўш? 
– Э, тилим бормайди. 
– Қўрқаман, де? 
– Ҳа. 
– Шунақа. – деди Ултон ва қақ-қаҳлаб кулиб юборди: унинг ёдига 
Тўқлибой Қўчқоровнинг шу сўзни уч марта такрорлагани тушган эди: 
“Шунақа”. 
– Нимага куласиз, ака? – ранжиди Ашим. 
– Оҳ, қадрдоним! – ўпкаси тўлиб деди Ултон. – Биласанми, 
Машраб – улуғ зот! У бизга замондош, ишонавер!.. Унинг шундай сатри 
бор: 
“Дард кўп, ҳамдард йўқ, душман кўп, ҳолим забун”. 
– Ўх-ҳ. 
– Шу-на-қа. 
– Сиз Машрабниям биласиз-а? 
– А как же! Лекин Тўқлибой Қўчқоров туфайли унга кўпроқ 
қизиққанман. Одатда бўлади-ку, муаллиминг қайси шоирни кўпроқ 
яхши кўрса, сен ҳам уни яхши кўриб қоласан. 
– У киши сизни ўқитган-а? – Ашим бир нарсадан чўчиган каби, 
балки Ултонни кимдандир қизғанган ёхуд ҳимоя қилган каби сўради. 
Ултон ҳайрон бўлди. 
– Ҳа, сен ёмон кўрасанми у кишини? 
Ашим дабдурустдан бошини эгди. 
– Оз-моз, 
Ултон баттар ҳайрон бўлган эса-да, кулумсирашдан ўзини тия 

---

117