Oksidlar. 3-tajriba. Sulfit angidridning olinishi eslatma

1-tajriba.Sulfat kislotani suvning yutishi. 50 ml li kimyoviy stakanga kukun holidagi 5 g shakardan soling va uni 2-3 tomchi suv bilan namlab yaxshilab aralashtiring, so`ngra aralashmaga 3-4 ml kons. sulfat kislota quyib, aralashtiring. Tayoqchani stakan markazida tik tutib, sodir bo`layotgan hodisani kuzating. Shakarning formulasi C12H22O11 ekanini hisobga olib, reaksiya tenglamasini yozing. Reaksiyada ajralayotgan ikki gazning qaysi birini hididan bilish mumkin? (ehtiyot bo`ling!).

1-tajriba. Sulfat kislotaning qiyin eruvchan tuzlari. Uchta probirka olib, ularning har biriga 1 ml dan sulfat kislotaning suyultirilgan eritmasidan , ikkinchi probirkaga qo`rg`oshin nitrat tuzi eritmasidan va uchinchi probirkaga stronsiy nitrat eritmasidan 1 ml qo`ying. Cho`kmalarning hosil bo`lishini kuzating. Cho`kmalarni suvda juda yomon erishiga e’tibor qiling. Reaksiyaning molekulyar va ionli tenglamalarini yozing.

1-tajriba. Tiosulfat kislotaning hosil bo`lishi. Probirkaga natriy tiosulfat (Na2S2O3) kristallaridan ozroq tashlab, ularni distillangan suvda eriting. So`ngra eritma ustiga HCI ning suyultirilgan eritmasidan 1 ml qo`ying. Bir ozdan so`ng eritmaning loyqalanishini va cho`kmaning hosil bo`lishini kuzating. Ajralayotgan gazni ehtiyotlik bilan hidlang. Reaksiya tenglamasini yozing.

1-tajriba. Sulfat kislota bilan natriy tiosulfatning o`zaro ta’siri. Probirkaga 1 ml suyultirilgan natriy tiosulfatning eritmasidan va 3-4 tomchi sulfat kislota eritmasidan quying. Nima cho`kmaga tushadi va qanday gaz ajralib chiqadi? Reaksiya tenglamalarini yozing. Oksidlovchi va qaytaruvchini aniqlang.