Ойликдан яшаргача ёшдаги касал бола а£волини ба£оланг ва таснифланг

 
МАШҚ С 
Ўқиб-ўрганиш учун келтирилган қуйидаги ҳолларни диққат билан кўриб чиқинг. 
Боладаги белгиларни ва уларнинг таснифини Ёзув Шаклига ёзиб қўйинг. Схемадаги 
тасниф жадвалларидан фойдаланинг. 
1- касаллик тарихи: Азиза 
Азиза 18 ойлик. Вазни 7,0 кг. Танасининг ҳарорати 38,5°С даража. Боланинг бадани 
қизиб тургани ва унга тошма тошгани учун онаси Азизани амбулаторияга олиб келган. 
Тиббий ходим Азизанинг «қоқ суяк» бўлиб қолганини кўрди. 
Тиббий ходим болада умумий хавф белгилари бор-йўқлигини текширди. Азиза 
суюқлик ича олади, қайт қилмайди, унда шайтонлаш бўлмаган, бола летаргик ҳолатда 
эмас, хуши ўзида. 
Болада йўтал ёки нафас қийинлиги йўқ. Унда диарея ҳам йўқ. 
Азизанинг онаси боланинг танаси қизиб турибди деб айгани ва боланинг ҳарорати 
38,5ºС даража бўлгани учун тиббий ходим бу қизча аҳволини иситма бўйича 
таснифлади. Иситма унда 5 кундан бери давом этар экан. Қизчанинг баданига тошма 
тошган ва кўзлари қизариб турибди. Унда қизамиқ бор. Боланинг энса мускулларида 
ригидлик йўқ. 
Тиббий ходим қизамиқ асоратларининг белгиларини баҳолаб чиқди. Азизанинг оғзида 
яралари йўқ. Кўзлари йиринглашган эмас ва кўз шох пардасида хиралашиш йўқ. 
Азизада томоққа ва қулоққа алоқадор муаммолар йўқ. 
Сўнгра тиббий ходим Азизанинг аҳволини озиқланишнинг бузилиши ёки камқонлик 
бўйича баҳолади. Азизада кўзга ташланадиган оғир озғинлик бор. Қўл кафтлари 
оқарган эмас. Иккала оёғининг панжаларида шишлар ҳам йўқ. Тиббий ходим унинг 
ёши учун тўғри келадиган вазнини аниқлаб кўрди. (Буклетингизда вазннинг ёшга тўғри 
келиш-келмаслигини кўрсатадиган жадвал бор, шу жадвалга қаранг). Бу болада унинг 
ёшига нисбатан олганда вазн камлиги бор-йўқлигини аниқлаб, натижасини Ёзув 
Шаклига ёзиб қўйинг. 
Азизадаги белгиларни ёзиб олинг ва уларни кейинги бетда келтирилган Ёзув Шаклида 
таснифланг.

---

107 
МАШҚ С. 1- касаллик тарихи