Ойликдан яшаргача ёшдаги касал бола а£волини ба£оланг ва таснифланг

 
Давоси 
ЧЎЗИЛУВЧАН ИСИТМА деб таснифланган болага ҳарорати баланд (аксиляр 
ҳарорати 38,5ºC даража ва бундан юқори) бўлса, парацетамол беринг. 
Вирусли инфекцияларнинг кўпчилиги бир ҳафтадан кўра камроқ давом этади. 7 кундан 
ортиқроқ давом этаётган иситма қорин тифи ёки бошқа оғир касалликнинг белгиси 
бўлиши мумкин. Агар болада иситма 7 кун ва бундан ортиқ муддат мобайнида ҳар 

---

67 
куни давом этиб келаётган бўлса, болани қўшимча равишда текшириб кўриш учун 
поликлиникага (фтизиопедиатр ва инфекционистга) юборинг. 
БАKТЕРИАЛ ИНФЕKЦИЯ ЭҲТИМОЛИ 
Болада умумий хавф белгилари ёки энса мускулларининг ригидлиги ҳамда 7 кун ва 
бундан ортиқ давом этаётган иситма бўлмаса, лекин унда ПНЕВМОНИЯ,
СТРЕПТОKОKKЛИ ФАРИНГИТ, ЎТKИР ҚУЛОҚ ИНФЕKЦИЯСИ таснифи бўлса, бу 
бола касаллигини БАKТЕРИАЛ ИНФЕKЦИЯ ЭҲТИМОЛИ деб таснифланг (иккинчи 
сариқ қатор). 
 
Давоси 
Ҳарорати баланд (акссиляр ҳарорати 38,5°C даража ва ундан юқори) болага 
парацетамол беринг. Агар боланинг касаллиги ПНЕВМОНИЯ, СТРЕПТОKОKKЛИ 
ФАРИНГИТ ёки ҚУЛОҚНИНГ ЎТKИР ИНФЕKЦИЯСИ деб таснифланган бўлса, 
болани тегишли тасниф қаторида кўрсатилган давога мувофиқ даволанг. 
АСОРАТСИЗ ИСИТМА 
Болада юқорида кўрсатилган белгиларнинг биттаси ҳам бўлмаса, яшил қаторга ўтинг. 
Kасаллик АСОРАТСИЗ ИСИТМА деб таснифланади. 
Давоси 
Боланинг ҳарорати баланд бўлса, парацетамол беринг. Қандай хавфли симптомлар 
пайдо бўлганида зудлик билан тиббий ходимга мурожаат қилиш зарурлигини онасига 
тушунтиринг. 
МИСОЛ
: Икки яшар бола, баданига қўл текказиб кўрилганида 2 кундан бери иссиқ 
бўлиб туюлади, шунинг учун уни амбулаторияга олиб келишган. Унда умумий ҳавф 
белгилари йўқ. Йўтал ёки нафас қийинлиги ёки диарея ҳам йўқ. Тиббий ходим 
боланинг иситмасини баҳолаб, қуйидаги белгиларни ёзиб қўйди: