Ойликдан яшаргача ёшдаги касал бола а£волини ба£оланг ва таснифланг

 
МАШҚ А 
Эслатма
:
Юқоридаги расм Сиз бажарадиган машқ ёзма машқ эканлигини билдиради. 
Сиз аввал бемор болалардаги белгилар ва симптомлар баён этилган касаллик тарихини 
ўқиб чиқасиз. Kейин боладаги белгилар ва касаллик хусусидаги ўз таснифингизни ёзиб 
қўйиш учун Ёзув Шаклидан фойдаланасиз. Машқни тугатганингиздан кейин 
ишингизни ўқитувчи Сиз билан муҳокама қилиб чиқади. Ўқитувчи мазкур модул ёки 
схемага доир саволларингизга жавоб бериши ҳам мумкин. 
* * * 
Қуйидаги касаллик тарихларини ўқиб чиқинг ва уларнинг ҳар бири тўғрисидаги 
саволларга жавоб беринг. 
 
1- касаллик тарихи: Роза 
Роза 15 ойлик, оғирлиги 8,5 кг. Танасининг ҳарорати 38,5ºС. 
Тиббий ходим: «Бу болада қандай муаммолар бор?», деб сўради. Онаси: «Роза тўрт 
кундан бери йўталади ва иштаҳаси ёмон» деб жавоб берди. Бу – мазкур муаммо бўйича 
Розанинг
 
биринчи ташрифи. 
Тиббий ходим Розада умумий хавф белгилари бор-йўқлигини текшириб кўрди. У «Роза 
суюқлик ича оладими ёки кўкрак эма оладими?» деб сўради. Онаси: «Йўқ. Роза эммай 
қўйди» деб жавоб берди. Тиббий ходим Розага озгина сув бериб кўрди. Қизча жуда 
бўшашиб қолган эди, бошини ҳам кўтара олмади. У пиёладаги сувни ича олмади. 
Сўнгра тиббий ходим онасидан: «Бу қизча қусиб турадими?» деб сўради. Онаси: «Йўқ» 
деб жавоб берди. Kейин тиббий ходим «Унда талвасалар бўлдими?» деб сўради. Онаси: 
«Йўқ» деди. 
Тиббий ходим Розани летаргик ҳолатда ёки беҳушлигини аниқлаш учун кўздан 
кечирди. Тиббий ходим Розанинг онаси билан гаплашаётган пайтда Роза уларга ва 
атрофга қараб ўтирди. У летаргик ҳолатда ёки беҳуш эмас. 
Энди кейинги бетда келтирилган саволларга жавоб беринг. 
Қуйида Ёзув Шаклининг устки қисми келтирилган: 
 

---

12