Оив инфекцияси тушунчалари, этиологияси, эпидемиологияси, лаборатор диагностикаси, патогенези, клиникаси, даволаш принциплари, профилактикаси хамда харакатдаги конуний меъёрий хужжатлар

Республика Соғлиқни сақлаш вазирлигининг 2012 йил 28 мартдаги 80-сонли буйруғига асосан ОИВ инфекцияли беморларга тиббий ёрдамни ташкил этиш ва кўрсатиш тартиби.

• ОИВ билан касалланган беморларга тиббий ёрдам давлат тасарруфидаги ДПМларида конфиденциал равишда олиб борилади.
• ОИВ инфекцияли беморларга тиббий ёрдам ОИВ инфекцияси бўйича ўқитилган мутахассислар томонидан олиб борилади.
• ОИВ инфекцияли беморларни режали диспансер кузатуви бирламчи тиббиёт муассасаларидаги умумий амалиёт шифокорлари (УАШ) ва туман кўп тармоқли поликлиникасидаги юқумли касалликлар шифокори томонидан олиб борилади.

Умумий Амалиёт шифокори томонидан ОИВ инфекцияли беморларни амбулатор кузатуви.

• Амбулатор кузатув оилавий поликлиниканинг ҳамда, ҚВПнинг УАШлари томонидан бажарилади. ОИВ инфекцияли беморларга тиббий ёрдамни ташкиллаштириш бирламчи бўғинларда қишлоқ врачлик пункти (ҚВП) бошлиғига юклатилади.
• ҚВП бошлиғининг вазифалари:
• ОИВ инфекцияли беморларга бирламчи тиббий ёрдамни ташкил қилиш:
• ОИВ инфекцияли беморларни диспансер кузатувига юборишни ташкил қилиш;
• ОИВ инфекцияли беморларни бирламчи текширувини ташкил қилиш;
• ОИВ инфекцияли беморларни вақтинча меҳнатга лаёқатсизлигини ташкиллаштириш ва сифатлилигини назорат қилиш;
• ОИВ инфекцияли беморларнинг тиббий ҳужжатларини назорат қилиш;
• ОИВ инфекцияли беморларни тиббий хизмат кўрсатиш бўйича режали йўналтириш ва шифохонада даволанишини ташкиллаштириш;
• Ҳомиладор аёлларни ОИВ инфекциясига биринчи уч ойлигида (12 ҳафтагача) текширилишини ташкил этиш;
• Бирламчи ИФА мусбат натижа берганда, қайта қон олишни ва керак холларда текшириш мақсадида Вилоят ОИТСга қарши кураш марказларига ҳомиладор аёлни юборишини ташкил этиш;
• Ҳомиладор аёлларда ОИВ инфекцияси аниқланганда АРВ профилактика ёки АРВТ масалаларини ҳал этиш мақсадида уларни ҳудудий ЮКХ ёки ОИТСга қарши кураш марказларига юборилишини таъминлаш;
• ҚВПнинг ОИВ инфекцияси бўйича иш режаси тузиш ва бу борада амалга оширилган даволаш-профилактика чора-тадбирлари ҳақида ҳисоботларни тайёрлаш ва уни ЮКХга тақдим этиш.