Oilam – mening baxtim

Oilam – mening baxtim

Ayol qaysi sohada, qaysi lavozimda ishlamasin, u oilada munosib turmush o’rtoq, mehribon ona, oila bekasi – oddiy ayol hisoblanadi.

Bu uning o’ziga bog’liq. Agar u ikkala tomonni birdek olib borsa, ham oilada o’rnini yo’qotmaydi ham ishida hurmat qozonadi. Agar ayol sabirli, bardoshli, aqilli bo’lsa ham ayollik ham onalik ham rahbarlik vazifalarini ado etish uchun kuch topa oladi. Bunda oilasi, turmush o’rtog’i uni qo’llab-quvvatlashi, uning uchun imkon berishi, ishonch bildirishi juda muhim deb o’ylayman.
Qachonki huddi erkakdek ayolning ham oilasidan ko’ngli to’q bo’lsa, uni himoya qiladigan, unga mehr ko’rsatadigan, dalda bo’ladigan yaqinlari borligini his qilsa, yanada shijoat bilan ishlaydi. Oila ham aslida, kichik bir mamlakat. Oilada o’z o’rniga, hurmatga ega bo’lgan ayol jamiyatda ham munosib o’ringa ega bo’ladi, deb o’ylayman.
Darhaqiqat, ayol uchun oila birinchi o’rinda. Undan ham birinchisi, bu uning onaligi. Ayol birinchi navbatda onaligini his qilish, uning mas’uliyatini tushinishi kerak.
Oilaviy qadriyatlarni juda hurmat qilaman va uni kóz qorachig’idek asrab-avaylayman.
Shu bilan birga unga to’la amal qilaman. Shundan ham kelib chiqib aytishim mumkunki bizning oilada erkak bosh yani bizning oilada erkak kishi qaror qabul qiladi.
Zimmamizdagi rafiqalik, onalik martabalari hamisha o’zimiz bilan birga, ammo bundan oldin o’zimning necha yillik hayot yo’limni ko’z oldimga keltiraman. Nukus davlat universitetini tamomlagach, foalyatimni maktabda o’qituvchilikdan boshlab, direktor o’rinbosari lavozimlarida ishladim.
Qayerda mehnat qilsam ham, vijdon amriga quloq tutdim, ishonchni oqlash, rizqimni halol toppish shiorim bolgan. Ammo oilam, farzandlarim hech qachon ikkinchi darajali burch sifatida qaramaganman. Ishdan keyin oshxona, ro’zg’or yumushlariga ham ulgurushga harakat qilaman.
Ona bo’lib tushunib etdimki ayol kishi birinchi o’rinda farzandlarini himoya qilar ekan.
Baxtli oilada oila a’zolari, farzandlar sog’lom muxitta yaxshi tarbiya oladi.
Oilada erkak zo’ravon emas, zo’r bo’lishi kerak. Shundagina oila mustahkam bo’ladi.