Оила кутубхонаси бахтли бола маънавияти

 
БОЛАЛАРНИ МАКТАБГА ТАЙЁРЛАШДА 
ШАКЛЛАНТИРИЛАДИГАН ИЖТИМОИЙ КЎНИКМА ВА 
МАЛАКАЛАР
 
 
I. БОЛАНИНГ ЎҚУВ МАСКАНИГА МОСЛАШИШ 
КЎНИКМАЛАРИ 
Ҳар бир инсон ўз табиати билан шундай тузилганки, у яшаш ва олий 
даражадаги етукликка эришмоқ учун кўп нарсаларга муҳтож бўлади, у бир 
ўзи бундай нарсаларни қўлга кирита олмайди ва уларга эга бўлиш учун 
шундай инсонлар жамоасига эҳтиёж туғиладики, бундай жамоанинг ҳар бир 
аъзоси унинг эҳтиёжи учун зарур бўлган нарсалардан бирортасини 
етиштириб беради. 
Форобий.
61
 
1.
 
БОШҚАЛАРНИ ТИНГЛАШ 
 
 
 
 
Кўникма шаклланган бўлса бола:
61
Трактат о взглядах жителей добродетельного города. Приложение книги С. И. Григоряна “Из истории 
философии Средней Азии и Ирана”, Изд. Ан СССР, М., 1960. 156‒157-бетлар 

---

165 
суҳбатдошига қараб, унинг гапини бўлмай, фикрларини “ҳа, ҳа” деб 
маъқуллаб туради; 
берилаётган маълумотнинг мазмунини тушунишга ҳаракат қилади; 
Бировни диққат билан тингласа, маълумотни қабул қилиш ва уни эслаб 
қолиш, қизиқарли саволлар бериш ёки суҳбат қуриш унга осон бўлади. 
Кўникма шаклланмаган бўлса бола: 
Бир нарсани сўраб, жавобини эшитмасдан кетиб қолади; 
суҳбатдошининг гапини бўлади;
биров билан гаплашиб туриб, бошқа ишга чалғиб кетади. 
 
Ушбу кўникма қандай вазиятларда намоён бўлади? 
а) Бола машғулот пайтида тарбиячининг, уйда ота-онаси, бобо-бувсиси, 
ака-опаси ва бошқаларнинг сўзларини эшитаётганида; 
б) Бола бошқа болаларнинг қизиқарли ҳикоясини тинглаганида, 
телевизор кўрганида; 
 
Кўникма қандай ўргатилади? 
1. Болага унга гапираётган одамга қараб туриш; 
2. Биров унга гапираётганида жим туриб, эшитиш; 
3. Айтилаётган гапларни тушунишга ҳаракат қилиш; 
4. Сўзловчининг гапларини маъқуллаб туриш; 
5. Яхшироқ тушуниш учун гапираётган кишига савол бериш ўргатилади.