Оила кутубхонаси бахтли бола маънавияти

ўргатилади.
Ўрта гуруҳ боласи мустақил равишда овқатланиши, идиш-товоқлардан, 
салфеткадан фойдалана олиши, дастрўмолдан бошқалар эслатмасдан ва ўз 
вақтида мустақил фойдаланиши, йўталаётган, акса ураётган пайтда четга 

---

75 
қараши ҳамда оғзини рўмолча билан тўсиши лозим. Бунинг учун тарбиячи 
эслатиш, назорат қилиш ва рағбатлантириш
усулларидан фойдаланади. 
Ўрта гуруҳда болада баъзи меҳнат малакалари, завқ билан меҳнат 
қилишга одатланиш, меҳнатсеварлик, меҳнат қилувчи кишига ҳурмат таркиб 
топиши керак. Ўрта гуруҳ болаларини гуруҳ хонаси ва майдончани 
йиғиштиришга жалб этиш: уларга стуллар ҳамда қурилиш материалини, 
ўсимликларнинг катта-катта баргларини нам латта билан артишни, 
ўйинчоқларни, қўғирчоқ кийимларини ювишни, кузда участкадаги хазонни 
йиғиб олишни, қишда йўлларни тозалаш ва ҳоказолар қилишни топшириш 
лозим. Тарбиячи у ёки бу ишларни бажариш усулларини 
кўрсатади.
Болалар дастлаб тарбиячининг назорати остида, йил охирига келганда 
эса мустақил равишда гуруҳ хонасида ва майдончада тартиб қоидаларига 
риоя қилишни ўрганишлари керак. 
Ўрта гуруҳда ўқув йилининг бошидан эътиборан навбатчилик жорий 
қилинади. Ҳар бир столга уни тузайдиган навбатчи тайинланади. Йил 
бошида навбатчи бир кунга, йил охириги келганда эса сурункасига 2—3 
кунга тайинланади. 
Иккинчи ярим йилликдан бошлаб машғулотга тайёргарлик кўриш 
навбатчилиги жорий қилинади. 
Болаларга айрим топшириқлар: ўсимликларга сув қуйиш, туваклардаги 
тупроқни юмшатиш, тоза сочиқларни илиб қўйишда энагага ёрдамлашиш ва 
ҳоказо топшириқларни бериш лозим. Ўрта гуруҳ болаларининг қўлларидан 
келадиган маиший меҳнат болаларга меҳнат малакаларини машқ қилдиришда 
тарбиячига катта имкониятлар беради. 
Тарбиячи болаларнинг меҳнат фаолиятларини йўлга қўяётганида уларни 
меҳнат қилишга ўргатиши, уларда бошқалар ва ўзи учун ҳам меҳнат қилиш 
истаги ҳамда одатини тарбиялаши лозимлигини унутмаслиги керак. 
Тарбиячи натижаси теварак-атрофдагилар учун муҳим бўлган 
топшириқнинг бажарилишига жавобгарлик ҳиссининг ўсишини, теварак-
атрофдагиларга фойдали, уларнинг эҳтиёжларига эътиборли бўлиш истаги 
ўсишини диққат-эътибор билан кузатиб боради.