Ohaktoshlar

ХЎЖАИКОН ТУЗ КОНИ
ХЎЖАИКОН ТУЗ КОНИ — Сурхон даре вилоятининг Шеробод туманидаги кон, 1942 й. да ишга туширилган. Кон ётиқ синклиналь бурмада жойлашган, бунда туз қатламлари тескари қатламланган бўлиб, оқ тузлар юқори, қизил тузлар пастда жойлашган. Кизил туз катламларида калий тузларининг 6 қавати ажралиб туради. Тузларнинг разведка қилинган захираси 46 млн. т, йилига 150 минг т. дан карьерлардан қазиб олинмоқда. Хўжаикон туз конида ош тузи йирик донали, таркибида 92,3 — 99,7% NaCl мавжуд. Кондаги ош тузи қатламининг қалинлиги 350—400 м га етади. Ранги оқ, сариқ, пушти, қизил. Туз қатламлари 150—300 м қалинликдаги қум, гил, қумтош, оҳактош каби тўртламчи ва қуйи бўр даврларига мансуб ётқизикдар билан қопланган. Хўжаикон туз кони ҳозирги кунда мамлакат аҳамиятига молик саноат корхонасидир. Йилига 93 минг т ош тузи қазиб чиқарилмоқда. 1995 й. АҚШдан келтирилган жиҳозлар билан ишлайдиган истеъмол тузи и. ч. линияси ишга туширилган.