Оғиз бўшлиғи аъзолари ва юз-жағ соҳалари тўқималарини

 
Наркознинг 
қайси 
(ингаляцион, 
ноингаляцион)
услубидан 
фойдаланишдан қатъий назар, дастлаб премедикация қилинади. Премедикация 
деганда, 
медикаментлар 
ёрдамида 
беморни 
тинчлантириб, 
асосий 
оғриқсизлантирувчи препарат таъсирини кучайтириш, суюқликлар (сўлак ва 
шиллиқ) ажралишини камайтириш, вагус (n. vagus) рефлексларини сусайтириб, 
наркоз ва операциянинг бехатар ўтишини таъминлаш тушунилади. Айниқса, 
ноингаляцион наркоз остида оғиз бўшлиғида ўтказиладиган операцияларда 
премедикация таркибига атропинни қўшиш катта аҳамиятга эга. Чунки атропин 
сўлак ажралишини камайтириб, аспирациясининг олдини олади. 
Ингаляцион наркоз
ўтказилганда умумий таъсир этувчи анестетик модда 
буғ ёки газ ҳолатида нафас йўлларига киритилади ва диффузия йўли билан 
альвеола деворларидаги капиляр томирлар орқали қонга ўтади. 
Наркоз чуқурлиги ва наркотик уйқудан (уйғониш) чиқиш бемор нафас 
олаётган наркотик модданинг концентрацияси ҳамда, қон ва тўқималарда 
эрувчанлигига боғлиқ. 
Ингаляцион наркоз ноингаляцион наркоздан фарқли ўлароқ осон 
бошқарилади. Ингаляцион анестетикларга: диэтил эфир, фторотан, энтран, 
наркотан, азот оксиди, трихлорэтилен ва ҳ.к. киради. Болаларда аксарият азот 
оксиди (кислород билан 2:1 ёки 3:1 нисбатида) бошқа анестетиклар билан 
комбинацияда ишлатилади. 
Ноингаляцион наркоз
учун одатда барбитуратлар – гексенал, натрий 
тиопентал, виадрил, альгизин, стероид наркотиклар ва шулар қаторида кетамин, 
кеталар, кетанест қўлланилади. Охирги келтирилган уч дори препаратлари 
117 

---

болалар амалиётида наркозга киритувчи, асосий ва мононаркоз учун ишлатилади. 
Кетамин қаторидаги препаратлар кучли аналгетик таъсирга эга, аммо шу билан 
бирга уларда, галюциногенлик ҳусусияти ҳам мавжуд. Бир маротабалик наркотик 
доза киритилганида, бемор онги 30-40 дақиқадан сўнг тикланади. Дроперидол ва 
седуксен қўшиб киритилса, наркотик модданинг салбий таъсири камайиб, наркоз 
чуқурлаштирилади. Ҳозирги вақтда ультрақисқа таъсир этувчи онгни “ўчирувчи” 
(мидазолам, пропафол каби) препаратлар қўлланилмоқда. Улар, айниқса, 
амбўлатор шароитда наркоз ўтказиш учун, маҳаллий анестезия билан 
комбинацияда (қўшиб) ишлатилганда, бошқа дориларга нисбатан афзалликларга 
эга. 
Замонавий комбинацияланган умумий оғриқсизлантириш организмга уч 
йўналишда таъсир этишни тақозо этади - оғриқсизлантириш, онгни “учириш” ва 
мушаклар (тонуси)ни бўшаштириш. 
Умумий оғриқсизлантиришни самарали ўтказиш, дориларнинг салбий 
таъсирини камайтириш ва наркозни кучайтиришга препаратларни комбинацияда 
ишлатиш йўли билан эришилади. 
Шундай усуллардан бири нейролептаналгезия (НЛА), умумий 
оғриқсизлантиришнинг комбинацияланган тури. Бу услубда ишлатиладиган 
препаратлар нейролепсия ва аналгезия ҳолатларини таъминлайди ва болалар 
жарроҳлик амалиётида кенг қўлланилади.