Оғиз бўшлиғи аъзолари ва юз-жағ соҳалари тўқималарини

Оғиз ичидан мандибуляр анестезия ўтказиш техникаси. 
Болаларда мандибуляр анестезия одатда оғиз ичидан ўтказилади. Фаробеф 
илмоғи билан лунж ён томонга тортилади. Хаёлан икки томондаги озиқ тишлар 
чайнов юзасидан горизонтал, ҳамда қанот-жағ бурмасидан вертикал чизиқ 
ўтказилиб, улар кесишган нуқтага, игна санчилади ва шу заҳотиёқ анестетикни 
юбориб суяк бўйлаб 1,2-1,3 см. ичкарига киритилади. Шундан сўнг, шприц 
қарши томонга ўтказилиб, 0,9 – 1 мл анестетик юборилади, игна чиқарилиб, 
ўрнига тампон қўйиб бармоқ билан юмшоқ тўқималар босиб турилади. 
Бармоқ ёрдамида пайпаслаб бажариш усули.
Бу усулда игна санчиш 
жойи бармоқ ёрдамида аниқланади. Чап қўлнинг кўрсаткич бармоғи билан 
молярорти чуқурчасини пайпаслаб, жағ шохининг ички қирраси (чети) топилади 
ва бармоқ учи шу ерга қўйиб олинади. Бармоқ ёнидан бироз пастроқ шиллиқ 
пардага игна санчилади ва суяк бўйлаб шприцни қарши томонга ўтказиб ичкарига 
1,2-
1,3 см. киритилади. Оғриқсизлантириш бундай услубда фақат 12-15 ёшдаги 
болаларда ўтказилиши мумкин. Чунки бу ёшдаги болаларда пастки жағ 
тешигининг жойлашиш координатлари (ўлчамлари) катталарникига яқин бўлади. 
95 

---

6-
12 ёшгача бўлган болаларда бу услубда оғриқсизлантириш ўтказиш тавсия 
этилмайди. 
 
 
Болаларда пастки альвеоляр нервни оғриқсизлантириш учун аксарият М.М. 
Вайсбрем усули қўлланилади. Бу усулда анестетик пастки жағни тожсимон ва 
бўғим ўсиқларидан ҳосил бўлган суяк қирралари туташиб ҳосил қилган 
“дўнглиги” (torus mandibulae)да ўтказилади. Дўнглик соҳасидаги юмшоқ 
клетчатка орасида бир-бирига яқин ҳолда уч нерв: лунж, пастки альвеоляр, тил 
нервлари ётади. Анестетик модда айнан шу, уч нерв бир-бирига яқин жойлашган, 
пастки жағ шохининг ички юзасидаги дўнглик устига юборилиши керак.