Оғиз бўшлиғи аъзолари ва юз-жағ соҳалари тўқималарини

Операция босқичлари: 
1.Эндотрахеал наркоз остида, болани боши максимал даражада орқага 
ташланиб, оғизни кенгайтирувчи мослама ўрнатилади: 
2.Оғиз бўшлиғи ва операция майдонида антисептик ишлов ўтказилади; 
3. Оғиз ҳалқум равоғини ва ҳалқумнинг ён деворларини яхши кўра олишни 
таъминлаш учун, бўлинган тилча асосларидан капрон ип ўтказиб, ён томонларга 
осилтирилади. 
4.Ярадан қон кетишни камайтириш мақсадида, анестетик билан адреналин 
эритмаси юмшоқ тўқималарга инфильтрация қилинади; 
5.Кесмалар ўтказиш. Кесма кемтик четларидан юмшоқ танглайнинг ўрта-
сигача ўтказилиб, қиялаб юмшоқ танглайнинг бурун-ҳалқум юзасидан ҳалқум-
нинг ён деворларида оғиз-ҳалқум равоғи ортида равоқнинг яримигача ўтказилади. 
Яра ўтмас усулда кенгайтирилиб, оғиз ва оғиз – ҳалқум (бурун) қатламларига 
ажратилади. Бўлинган тилчанинг асосидан чўққисигача шиллиқ парда ва m.uvulae 
кесилиб яра ҳосил қилинади; 
458 

---

6. 
Қаватма-қават чоклар қўйилади; 
дастлаб бурун ва ҳалқум шиллиқ пардаси – мушаклар қатламига кемтик 
чўққисидан бошлаб, яранинг охиригача ағдарма чоклар қўйилади. Мушаклар ва 
оғиз шиллиқ пардасига тугунли чоклар қўйилади. 
7.Операцион яра антисептиклар билан ювилиб, очиқ қолган (ретромоляр)
соҳаларда йодоформли дока қолдирилади. 
Юқори лаб, альвеоляр ўсиқ ва танглайнинг икки томонлама кесиб ўтувчи 
туғма кемтигини ёпишни икки босқичда ўтказишни Ф.М.Хитров таклиф қилган 
(расм). Биринчи босқичда, альвеоляр ўсиқ ва танглайнинг олд қисми кемтиги 
ёпилади. Иккинчи босқичда эса, радикал уранопластика ўтказилади. 
Расм. Икки томонлама кесиб ўтувчи кемтикда (а) ўтказиладиган кесмалар чизмаси ва (б) лахтаклар 
ажраратилгандан кейинги ҳолат 
Расм. (а) бурун шиллиқ пардасига чоклар қўйилгандан кейинги ҳолат ва (б) суяк усти ва оғиз шиллиқ 
пардасига чоклар қўйилгандан кейинги ҳолат 
459 

---

Расм. Опреациянинг иккинчи босқичи: (а) Кесмалар ўтказилиб, лахтаклар ажратилган ва (б) 
чоклар қўйилган.