Оғиз бўшлиғи аъзолари ва юз-жағ соҳалари тўқималарини

Вирусли сиалоаденит
болаларда огир, нотипик кечишига эга бўлган 
грипп касаллигининг асорати хисобланади. Касалликни РНК сакловчи Orthomyx-
ovirus 
авлодига мансуб А,В,С типдаги вирус чакиради. Аксарият 7-10 ёшдаги бо-
лаларда учрайди. 
Шикоятлар: 
Болалар ва ота-оналар тана ҳароратининг кўтарилиши, бош 
огригига, ҳолсизлик, шунингдек иштаха пасайиши ва сўлак безлардаги оғриқка 
шикоят қиладилар. 
Клиник манзараси:
Боланинг сўлак безлари катталашади, овқат еган 
вақтда оғрийди. Без атрофидаги юмшоқ тўқималарда шиш пайдо бўлади. Оғиз 
бўшлиғида: сўлак чиқариш найининг дахлизи очик бўлиб, атрофида кизариш ва 
шиш аниқланади. Сўлак бир маромда ажралади, аммо тиниқ эмас, балки ёпишкок 
бўлади. Эпидемик паротитдан фарқли равишда оғриқли нукталар бўлмайди. Бо-
ланинг умумий ахволи гриппга хос бўлади. Тана ҳарорати кутарилади, бола ҳол-
сизланади, боши огрийди, ланж бўлиб, ичак фаолияти бузилади. Вирусли паротит 
касаллигини эпидемик паротит, сурункали бактериал паротитнинг ўткирлашиши, 
Герценберг сохта паротити, қулоқ олди чайнов соҳаси абсцесс ва флегмоналари-
дан фарқлаш керак. 
Даволаш:
Вирусга қарши препаратлар, В ва С гурухларига мансуб вита-
минлар, лейкопоэзни стимулловчи препаратлар тайинланади. Тана ҳароратини 
туширувчи, оғриқсизлантирувчи ва симптоматик даволаш ўтказилади. Махаллий: 
5 %ли ДМСО эритмаси ҳамда бонафтон билан компресслар, таркибида интерфе-
рон бўлган эритмалар билан оғиз бўшлиғини чайиш, бурунга томизиш буюрила-
ди. Сўлакни хайдаш учун нордон ичимликлар, куритилган нон истеьмол қилиш 
тавсия қилинади. Бактериал инфекция қўшилса, бактериал сиалоаденит касалли-
гидаги каби комплекс даволаш ўтказилади. 
275 

---

 
Ўткир бактериал сиалоаденит 
(Sialoadenitis bacterialis non calculosa acuta) 
Ўткир бактериал сиалоаденит юз-жағ яллиғланиш касалликларининг 14 
% ини ташкил қилади. Турли ёшдаги, кўпроқ 7-12 ёшдаги болаларда учрайди. 
Ўткир бактериал сиалоаденит аксарият қулоқ олди, баьзан жағ ости сўлак безида 
учрайди ва тил ости сўлак безида эса деярли учрамайди. Болаларда ўткир сиало-
аденитнинг ривожланишига махаллий (безнинг анатомик-физиологик тузилиши-
даги ҳусусиятлар, без ичида жойлашган лимфа тугунларнинг яллиғланиши, 
сўлакнинг микдори ва сифати, безнинг жароҳатлари, оғиз бўшлиғи ва ЛОР аъзо-
лари шиллиқ пардаси касалликлари) ва умумий (умумий ҳамда махаллий иммни-
тетнинг пасайиши, организмнинг сурункали заҳарланиши, моддалар алмашинуви 
бузилишлари) омиллар таъсир этади. Ўткир бактериал сиалоаденитнинг зардобли 
ва йирингли шакллари фарқланади. 
Шикоятлар:
Тана ҳароратининг кутарилиши ва ҳолсизлик, шунинг-
дек сўлак бези соҳасидаги оғриқка шикоят қилинади, каттарок ёшдаги бо-
лалар эса оғизда йиринг иси ва таъмини сезадилар.