Оғиз бўшлиғи аъзолари ва юз-жағ соҳалари тўқималарини

Юқори лаб бир томонлама туғма кемтикларининг Л.М.Обухова усули 
бўйича хейлопластикаси 
Операция босқичлари: 
Анатомик ориентирларни белгилаб, кесмаларни чизиш.
Катта ва кичик 
бўлакларда Кўпидон ёйининг нуқталари бўёқ билан белгиланади. Катта бўлакда 
бурун тўсиғи (колумелла)нинг икки ёнида юқори лаб қизил ҳошиясининг ён 
нуқталарига шартли чизиқ ўтказиб, кемтик томонда лабнинг қанчага 
қисқарганлиги аниқланади (чизма) а-а
1
масофа кичик бўлакда ажратилган (с
2
) 
нуқтадан а-а
1
тенг узунликда d
1
нуқтасини белгилаймиз ва томонларининг ўлчами 
лаб қисқаришига тенг бўлган учбурчакни бўёқ билан чизамиз. 
Нуқталарга игнани санчиб, вазоконстрикторли анестетик эритмаси лаб 
тўқимасига юборилади.
Кемтик четларини кесиш.
Дастлаб, катта бўлак қизил ҳошия чизиғидан 
ажралиш нуқтасигача кесилади. Шу нуқтадан икки йўналишда кесмалар 
ўтказилади: биринчиси фильтрумда (горизонтал) ва лабнинг қизил қисмида кесиб 
ўтувчи. Лаб четидаги шиллиқ парда кесиб ажратилади. Кесмалар ўтказилгандан 
сўнг, юқори лабнинг қизил ҳошия қисмини пастга (лаб соғ томон баландлигига 
тенглашгунга қадар) тортилади. Барча томонлари тенг бўлган учбурчак 
414 

---

шаклидаги (нуқсон) ҳосил бўлади. Ўлчами нуқсонга тенг, учбурчак шаклида 
лахтак (латерал) кичик бўлак четидан бичиб олинади. Барча кесмалар 
ўтказилганидан сўнг, яра четидаги ортиқча тўқималар кесиб олинади ва қаватма 
қават чоклар қўйилади. Тикиш жараёнида 3 ва 4, 6 ва 7 нуқталар бир бири билан 
туташиши керак. 
Лаб қизил ҳошияси ва кемтик даражасига кўра кесмалар ўлчами турлича 
бўлиши мумкин.
Юқори лабнинг тўлиқ ва кенг туғма нуқсонларида, лаб баландлиги кемтик 
томонда кескин қисқаради. Чизиқли хейлопластика усуллари ёрдамида бу 
камчиликни бартараф этиб бўлмайди. Бундай ҳолларда А.А.Лимберг ва 
Л.М.Обухова усуллари биргаликда қўлланилади.