Оғиз бўшлиғи аъзолари ва юз-жағ соҳалари тўқималарини

Клиник манзараси:
Қулоқ олди–чайнов соҳасидаги шиш туфайли юзда 
асимметрия бўлиб, пайпаслаганда оғриқ кузатилади, оғиз очилиши ҳам оғриқли 
ва чегараланган. Оғиз очилишида пастки жағнинг касал томонга силжиши, шу 
томондаги мушакларнинг рефлектор равишда қисқариши билан боғлиқ. 
Жароҳатдан кейинги артритларда, ЧПЖБ соҳасида гематома аниқланади, 
энгакка босиб, пастки жағ орқага итарилса, бўғимда оғриқ пайдо бўлади. 
Рентгенологик текширув:
ўткир артрит даврида кам маълумот беради, 
бўғим тирқиши экссудат тўпланганлиги ҳисобига бир оз кенгайганлигини 
кузатиш мумкин. Яллиғланиш жараёни узоқ давом этса, иккиламчи деструктив 
ўзгаришлар, яъни бўғим ёриғининг қисман торайиши, бўғим бошчасида эса 
деструкция ўчоқлари кузатилади. Болалар ЧПЖБ да ревматоид ва ревматик 
артрит касалликлари учраши мумкин. Ревматик артритда оғриқ ЧПЖБ да, 
ревматоид жараёнда эса, оғриқ битта ЧПЖБ ҳамда тизза ёки елка бўғимларида 
бўлади. 
Ревматик артрит
ташхиси бемордаги клиник белгилар асосида 
аниқланади. Эрталаб бўғимдаги ҳаракатлар оғир оғриқли кечади, бўғим атрофи 
тўқималарида шиш пайдо бўлади; бундан ташқари бошқа бўғимларда ҳам оғриқ 
туради. Суяклар <қалинлашади> ва шу соҳадаги тери ости қатламида тугунчалар 
борлиги аниқланади. 
Қиёсий ташхислаш:
ЧПЖБ ўткир артрити, ўткир паротит, ўткир 
лимфаденит, ўткир отит, қулоқ олди соҳасининг абсцесси касалликлари билан 
қиёсий равишда ташхисланади. 
Даволаш:
Касаллик этиологик омилларни эътиборга олган ҳолда 
ўтказилади. ЧПЖБ ҳаракатлари ҳар хил усуллар (ортодонтик аппаратлар, 
боғламлар) билан чекланади, чайнамасдан истеъмол қилинадиган юмшоқ , 
яримсуюқ ва суюқ таомлар тайинланади. 
336 

---

Маҳаллий даволаш: 
5 % ли ДМСО эритмаси билан компресс, 
гидрокортизон, Трилон Б фонофорези, калий йодид, лидаза, ДМСО 
электрофорези; УВЧ, соллюкс, шам, озокерит.