Оғиз бўшлиғи аъзолари ва юз-жағ соҳалари тўқималарини

Шикоятлари:
одатда, олинган жароҳатларнинг оғирлиги жойлашган 
соҳасига бевосита боғлиқ бўлади. Одатда, ота-оналар ва болалар қон кетишига, 
нуқсон, оғриқ ва функционал бузилишлар мавжудлигига шикоят қиладилар. 
Жароҳат оғир бўлса, боланинг ҳолсизлиги, кўнгли айниб, қўсиши ва безовта 
бўлишига шикоят қиладилар. 
Клиник кечиши:
болалар одатда, ўзларининг ёшига ва фаоллигига 
мувофиқ қиладиган шўхликлари, ўйинлари ва эҳтиётсизликлари натижасида 
жароҳат оладилар. Жароҳатнинг клиник кўриниши унинг турига боғлиқ. 
Кесилган яра 
– 
бола ўткир предметлар – пичоқ, қайчи, шиша билан кесиб 
олиши ёки ойнага урилиши, металл ёки пластик парчаси билан кесилиши 
натижасида юзага келади. Кесилган яранинг четлари текис бир чизиқда бўлиб, 
одатда, нуқсон бўлмайди, туби юмшоқ тўқима ёки суяк билан чегараланган 
бўлиши мумкин. 
Йиртилган яранинг
четлари нотекис, майда лахтакли, гоҳида некрозга 
учраган бўлади.
Санчилган яра.
Кириш жойи кичик, туби узун ва чуқур бўлади. Кичик 
ёшдаги болалар, одатда, қўлида ушлаб турган предметга йиқилади, агарда у шиша 
асбоб (банка, лампочка ва бошқа) бўлса, синиб, юз тўқималарини кесиб юборади. 
Югуриб кетаётган бола йиқилиши натижасида оғзига ўткир учли предметлар 
292 

---

(
қалам, ручка, чўп, сурнай) санчилган ёки йиртилган юмшоқ танглай ва танглай 
равоқлари ярасини юзага келтириши мумкин яра. Ичига зонд киритиб, унинг 
чуқурлиги ва йўналишини аниқлаш мумкин. Мактаб ёшидаги болалар дарахтдан, 
томдан ёки қурилиш майдонларида ўйнаётиб бехосдан тушиб кетганда олган 
жароҳатларидаги эзилиб-йиртилган яраларга, тўқималарнинг қаттиқ зарб таъси-
рида ҳам титилиб, хам чўзилиб йиртилиши хос бўлади. 
Кўпинча бундай жароҳатлар, юз-жағ суякларининг туртиб чиқиб турган 
жойларига жисмлар қаттиқ зарб билан урилиши натижасида юзага келади. Бир 
вақтнинг ўзида суяклар синиши ва юмшоқ тўқималар (мушаклар, йирик қон то-
мир ва нерв толалари, сўлак безлари) ҳам жароҳатланиши мумкин.