Odilqoriyev X. T

XIV bob. HUQUQIY MUNOSABATLAR

1-§.
Huquqiy munosabatlarning tushunchasi, tuzilishi va turlari

Huquqning ijtimoiy munosabatlarga ta’sir etishi va ularni tartibga solishi masala- si davlat va huquq nazariyasi uchun muhim metodologik ahamiyat kasb etadi. Jamiyat hayotida kishilar va ularning turli-tuman

tashkilotlari o‘rtasida son-sanoqsiz moddiy, moliyaviy, siyosiy, madaniy va boshqa munosabatlar (aloqalar) mavjud bo‘ladi. Ma’rifiy jamiyatda ushbu mu- nosabatlar axloqiy, diniy, korporativ va boshqa ko‘plab ijtimoiy normalar bilan batartiblashtiriladi, tashkillashtiriladi va yo‘naltiriladi. Ijtimoiy munosabatlar- ning muayyan qismi huquq normalari bilan tartibga solinib, ularga barqa- rorlik, izchillik, maqsad sari yo‘naltirilganlik xususiyatlari baxsh etiladi. Ijtimoiy munosabatlarning huquq normalari yordamida tartibga solinadigan qismi huquqiy munosabatlarni tashkil qiladi. Huquq normalari o‘z vazifa va funksiyalarini huquqiy munosabatlar orqali amalga oshiradi; huquq talablari ijtimoiy munosabatlar shakliga aylantiriladi va shu tariqa munosabatlar tartibga solinib, huquq hayotga tatbiq etiladi.