58
оқартирадиган ёмон хотиндан паноҳ беришингни
сўрайман. Эй Бори Худоё, мени шундай ёмон қўшнидан
асрашингни сўрайманки, унинг кўзлари доимо менинг
сир-асрорларимни, яхши-ёмон ҳолатимни кўриб
туради, қулоқлари уйимдаги гапларни эшитиб
туради. Лекин, яхшилигимни кўрса уни кўмиб
юборади. Бордию, бирон нохушликни кўриб, билиб
қолса, дарҳол атрофга ёйиб юборади
30
”.
Р а с ул ул л оҳ а л а й ҳ и сс а л о м м а рҳ а м а т
қиладилар[35]:
“Истиқомат масканидаги ёмон
қўшни кишининг белини синдирувчи (мусибат)дир”
(Табароний ривояти).
Мазкур шарафли ҳадисларда, Довуд алайҳиссалом
тилидан ҳикоя қилинган дуоларда кўплаб ибратли
ўгит ва фойдалар акс этган. Ул зот дуоларининг
аввалидаёқ
“Ё Аллоҳ, мен Сендан ўзимга фитна
бўладиган мол-дунёдан паноҳ беришингни сўрайман”,
дер эканлар, Одам алайҳиссаломдан тортиб, то
қиёматга қадар туғилажак инсон наслининг
ҳаммаси учун бирдек хатарли бўлган усти ялтироқ,
мазаси ғоят ширин, оқибати эса ачинарли бўлган
молу дунё аталмиш фитнадан паноҳ сўрамоқдалар.
Дунё номига неки бўлса, мансабми, лавозимми,
пулми, обрўми барчаси мазкур ҳадисда зикр этилган
сўзда ўз ифодасини топган. Бу фитнакор дунё тарих
давомида не-не кишиларни мафтун қилиб, оёғидан
йиқмади, не-не қон қариндошларни бир-бирига
душман этиб, отани авлод қотили,
болани эса
падаркуш қилмади. Аллоҳ марҳамат қилган оз сонли
кишилардан бўлак ўзларига мол-дунё эшиклари
иккала томонга ланг очиб берилган кўпчилик уни
30
Табароний. Ал-муъжаму-л-авсат; Абу Бакр Ҳайтамий.
Мажмаъу-з-завоид; Муновий. Файзу-л-Қадийр;
59
қўлларида
тута олмадилар, масъулиятини адо
қила олмадилар. Балки, унинг қулига, ходимига
айландилар. Пировардида хусронга юз тутдилар.
Набий алайҳиссалом айтганларидек [36]:
“Динору
дирҳам қули, бахмалу либос қули ҳалокатга юз тутди!
Агар унга (мол-дунё) берилса рози бўлади, берилмаса
ғазабланади” (Бухорий ва бошқалар ривояти).
Аллоҳнинг Расули матоларга, тиллою кумушларга
берилганларни динор қули, дирҳам қули, гилам
қули, либос қули деб атамоқдалар. Дарҳақиқат, молу
дунё тўплашга ўта ҳарис бўлиб, пулни ҳаётининг
мазмунига айлантириб олган, уларга ўзларидан ҳам
кўра эҳтиёткорлик билан муомала қилиб, асраб-
авайлайдиган кишилар ўша нарсаларнинг ходими
ва қули кабидирлар. Зеро, керагидан ортиқча
йиққан латта-путта ва матоҳлари ўзларига эмас,
балки улар мазкур нарсаларга хизмат қиладилар.
Шунингдек, бу тоифадаги кимсалар ўзларига
Аллоҳ томонидан молу дунё ато қилинса, хурсанд
бўладилар, бордию кўнгилларидаги
нарса ато
қилинмаса, тақдирларидан норози бўладилар. Шу
боис ҳам Аллоҳнинг Расули бундай кимсаларни
мажозий маънода динор қули, кўрпа-тўшак
қули, кийим қули деб атайдилар ва уларнинг хор
бўлганини таъкидлайдилар. Аллоҳ таоло бизларни
бундай тубан қулликдан Ўз паноҳида асраган бўлсин
ва фақат Ўзига қулчилик қиладиган инсонлардан
қилсин!..
Ёмон фарзанд кишининг қаддини букиб, юзини
ерга қаратади. Бу дунёда ор ва шармандалик,
охиратда эса дўзах азобига дучор этиши мумкин.
Ёмон хотин ҳам
инсон учун доимий азоб ва
ҳаддан зиёда оғир юкдир. Ёмон хотинга мубтало
60
бўлган киши чиндан ҳам кексалик ёшига етмасдан
анча эрта қариб қолади. Ҳаёт лаззатидан тўлақонли
баҳраманд бўлолмайди. Ўз уйида хотиржамлик
топмайди.
Пировардида, доимий ғам-андуҳ ва
руҳий сиқилишлар оқибатида турли хасталикларга
дучор бўлиб, умри қисқаради.
Ёмон қўшни ҳам шунга ўхшаш бўлиб,
ҳаётнинг ширин дамларини кетказиб, кўнгилни
хира қилар экан. Албатта бир девор қўшни
уйингиздаги ҳамма гап-сўз ва келди-кетдидан
хабардор бўлади. Бу жиҳатдан қаралганда у бир
сирдош мақомидаги кишидир.
Шундай экан,
бундай ўрин тутган инсоннинг солиҳ ва яхши
одам бўлмоғи айни муддаодир. Бордию, у яхши
инсон бўлмаса, ўз имкониятларини суистеъмол
қилиб, уларни зарарингизга ишлатади. Ёмон
қўшни Набий алайҳиссалом таърифлари билан
айтганда,
“кишининг белини синдирувчи нарсадир”.
Пайғамбаримиз алайҳиссалом бу сўзлари билан
ёмон қўшнини елкадан ташлаш амримаҳол бўлган
ва пировардида
кишининг белини синдириб
юборадиган даражадаги оғир юкка менгзатадилар.
Бу юкни елкадан қўйиш осонмас. Бунинг учун
одам уй-жойини ўзгартирмасдан бошқа
иложи
қолмайди.
