Одил судлов /2019 Судьянинг онгида адолат, тилида ҳақиқат, дилида поклик бўлиши шарт

ИСЛОҲОТЛАР ЙЎЛИДА

---

ОДИЛ СУДЛОВ
1/2019
25
Қонунга киритилган тартибга кўра, уй-жой объектининг манзили бўйича доимий 
рўйхатга олинган вояга етган жисмоний шахслар электр таъминоти, газ таъминоти, 
сув таъминоти ва сувни чиқариб юбориш (канализация) хизматлари учун кўрсатилган 
хизматларга ҳақ тўлаш бўйича мажбуриятлар юзасидан солидар жавобгар бўлади.
Қонунда адлия органлари хўжалик юритувчи субъектларга шартнома мажбури-
ятларини тузиш ва бажаришда ҳуқуқий ёрдам кўрсатишини, шунингдек хўжалик 
шартномаларини ижро этиш жараёнини назорат қилишини назарда тутувчи норма 
чиқарилди. Шундай тартиб киритилмоқдаки, унга кўра, Адлия вазирлиги норматив-
ҳуқуқий ҳужжатлар лойиҳаларининг ҳуқуқий экспертизасини бошқа турдаги экспер-
тизаларни ўтказиб бўлгандан сўнг мажбурий равишда амалга оширади. 
«Рақобат тўғрисида»ги Қонунга рақобат тўғрисидаги қонун ҳужжатларини буз-
ганлик учун жарима солиш ҳақида қарорлар қабул қилишни монополияга қарши 
органнинг ваколатларидан чиқаришни ва рақобат тўғрисидаги қонун ҳужжатлари 
бузилиши билан боғлиқ ишларни кўриб чиқиш вазифаларини монополияга қарши 
органдан тегишли судларга ўтказишни назарда тутувчи ўзгартишлар киритилди.
«Судларда давлат божини ундириш механизмлари такомиллаштирилиши муноса-
бати билан Ўзбекистон Республикасининг Солиқ кодексига ўзгартиш ва қўшимчалар 
киритиш тўғрисида»ги Ўзбекистон Республикаси Қонунига мувофиқ судларга дав-
лат божини тўлаш бўйича амалдаги 74 та имтиёздан 17 тасини бекор қилиш, янги ту-
зилган маъмурий судларга мурожаат қилганда давлат божи тўлашдан озод этилади-
ган шахслар ва органлар рўйхатини белгилаш, шунингдек фуқаролик ишлари бўйича 
судлар ва иқтисодий судлар учун давлат божини ундириш объектларини бирлашти-
риш кўзда тутилган. 
Қонун билан жорий этилаётган тартибга кўра, айрим тоифадаги шахсларга нис-
батан талабларни қаноатлантириш тўлиқ ёки қисман рад этилган тақдирда, ушбу 
шахслардан судларда давлат божи талабларнинг қаноатлантирилиши рад этилган 
миқдорига мутаносиб равишда ундирилади.
Қонунда белгиланишича, давлат божини тўлашдан озод этилган давлат органлари 
ва бошқа шахслар томонидан юридик шахслар ва фуқаролар манфаатларини кўзлаб 
билдирилган талабларни қаноатлантириш тўлиқ ёки қисман рад этилган тақдирда, 
давлат божи манфаатлари кўзланган шахслардан талабларнинг қаноатлантирилиши 
рад этилган миқдорига мутаносиб равишда ундирилади.
«Иқтисодий жиноятларга ва оммавий қирғин қуролини тарқатишни молиялаш-
тиришга қарши курашиш механизмлари такомиллаштирилиши муносабати билан 
Ўзбекистон Республикасининг айрим қонун ҳужжатларига ўзгартиш ва қўшимчалар 
киритиш тўғрисида»ги Ўзбекистон Республикаси Қонуни жиноий фаолиятдан 
олинган даромадларни легаллаштириш, терроризмни ва оммавий қирғин қуролини 
тарқатишни молиялаштириш соҳасидаги қонун ҳужжатларини янада такомиллашти-
риш ҳамда халқаро стандартларга мувофиқлаштириш мақсадида ишлаб чиқилган.
Жумладан, Бош прокуратура ҳузуридаги Иқтисодий жиноятларга қарши курашиш 
департаментининг асосий вазифалари ва функциялари белгилаб берилган, шунинг-
дек Ўзбекистон Республикасининг Маъмурий жавобгарлик тўғрисидаги кодексига