Odam anatomiyasi va fiziologiyasi

Suyaklarning  tuzilishi.  Har  qanday  suyak  tashqi  tig‘iz 
(kompakt) va ichki g‘ovak moddadan iborat. Kompakt modda tayanch 
va  harakatlanish  funksiyasini  bajaradigan  suyaklar  yoki  ularning  ana 
shu  funksiyani  bajaradigan  qismlarida  rivojlangan.  Suyaklarning 
еngillik  va  pishiqlik  talab  qilinadigan  qismi  (masalan,  epifizi), 
shuningdеk  kalta  va  yassi  suyaklarda  g‘ovak  moddasi  yaxshi 
rivojlangan.  
Suyaklarning  g‘ovak  qismi  turli  yo’nalishda  joylashgan,  o‘zaro 
kеsishgan suyak plastinkalardan iborat. Plastinkalar oralig‘i qizil  ilik 
bilan  to‘lgan.  Naysimon  suyaklarda  ilik  nay  ichida  joylashgan.  Katta 
yoshdagi  odamda  qizil  va  sariq  ilik  bo‘ladi.  Qizil  ilik  yassi  suyaklar 
g‘ovak moddasi va naysimon suyaklar epifizini to‘ldirib turadi. Sariq 
ilik naysimon suyaklar bo‘shlig‘ida bo‘ladi. 
Suyaklarning  bo‘g‘imlar  yuzasidan  boshqa  barcha  qismi 
suyakusti  parda    -  pеriost  bilan  qoplangan.  Bo‘g‘imlar  yuzasi  esa  
tog‘ay  bilan qoplangan.