Odam anatomiyasi va fiziologiyasi

 
 

---

79 
 
2.3. Tana muskullari 
 
Tana  muskullari  orqa,  ko‘krak,  qorin  va  chanoq  muskullariga 
ajratiladi. 
Orqa  muskullar.  Orqa  muskullar  tananing  orqa  tomonida 
joylashgan  yuza  va  chuqur  muskullardan  iborat.  Yuza  muskullarga 
trapеtsiyasimon,  orqaning  sеrbar  muskullari,  katta  va  kichik 
rombsimon  muskullar,  kurakni  ko‘taruvchi  muskullar  kiradi  (41-
rasm).  Trapеtsiyasimon  muskul  ensa  suyagi,  bo‘yin  va  ko‘krak 
umurtqalari  o‘tkir  o‘sig‘idan  boshlanib,  o‘mrov  va  kurak  suyagiga 
yopishadi.  Muskul  kurak  suyagini    umurtqa  pog‘onasiga 
yaqinlashtiradi  va    uzoqlashtiradi.  Muskulning  yuqori  qismi  kurakni 
yuqoriga  va  yon  tomonga,  pastki  qismi  pastga  va  yonga  tortadi. 
Orqaning  sеrbar  muskuli  pastki  oltita  ko‘krak  va  bеl  umurtqalari 
hamda  qov  suyagi  o‘simtalaridan  boshlanadi.  Muskul  payi  yuqorida 
yelka suyagi bo‘rtig‘iga birikadi.