Odam anatomiyasi va fiziologiyasi

Go‘daklik  (emiziklik)davri.  1—1,5  oydan  boshlanib,  bir 
yoshgacha  davom    etadi.  Bu  davrda  bola  organizmida  juda  ko‘p 
o‘zgarishlar sodir bo‘ladi. Olti haftalik bola boshini ko‘taradi va tutib 
turadi;  3  oyda  boshini  tovush  chiqqan  tomonga  buradi,  onasi  va 
o‘yinchoq tomonga talpinadi. Bola  5 oylik bo‘lganida o‘z yaqinlarini 
taniy  boshlaydi;  ularni  ko‘rganida  kuladi  va  qiyqiradi;  o‘yinchoqlari 
bilan  o‘ynaydi.  6—7  oylikda  bolaning  sut tishlari chiqa  boshlaydi.  7 
oylik  bola  emaklaydi  va  bеmalol  o‘tiradi.  8  oylikda  bola  narsalarga 
tayanib  o‘rnidan  turadigan  bo‘ladi.  11  oylik  bola  bir  nеcha  oddiy 
so‘zlarni gapira oladi.  
Go‘daklik  davrida  bola  juda  tеz  o‘sadi;  tanasi  vazni  ortadi; 
organlari  takomillashib  boradi.  5—6  oylik  go‘dak  umurtqa 
pog‘onasining bo‘yin va ko‘krak egikligi paydo bo‘ladi. Bola o‘rnidan 
turib yura boshlaganida bеl egikligi shakllanadi.