Odam anatomiyasi

Bo’yin teri osti muskuli – yupqa bo’lib, bo’yinning oldingi yuzasini qoplab turadi. Bu muskulning pastki qismi ko’krakga yo’naladi, yuqori qismi esa quloq oldi fasciyasiga kiradi. Bu muskul bo’yinning terisini tortib turadi. Bu muskul qisqarganida og’iz burchagini pastga tortadi va bo’yin terisini ko’taradi.
To’sh-o’mrov-so’rg’ichsimon muskuli ikki boshli muskuldir. Bitta boshchasi to’sh suyagidan, ikkinchi boshchasi esa o’mrov suyagidan boshlanib, chakka suyagining so’rg’ichsimon o’simtasiga borib birikadi. Bu muskul yelka kamar suyaklarini va ko’krak qafasini ko’tarishda ishtirok etadi. Bu muskul qisqarganda bosh qarama-qarshi tomonga buriladi. Muskul ikki tomonlama qisqarganda bosh orqaga karab xarakatlanadi.
Til ostki suyagiga biriktiruvchi muskullarni ikkita guruhga bo’lish mumkin. Bu muskullar til osti suyagining o’rtasida va tagida joylashadi. Til osti suyagining ustidan muskullarga ikki qorinli muskul, jag’-til ostki muskuli, bigizsimon – til ostki muskuli va engak-til osti muskuli kiradi. Til ostki suyagining tagidagi muskullarga: to’sh-til osti muskuli, ko’krak-til osti muskuli, to’sh-qalqonsimon muskuli va qalqonsimon-til ostki muskullari kiradi. Muskullarni nomlari ularning uchlari tutashgan joylari bilan ataladi. Bu muskullar qisqarganda, xiqildoq xarakatlanadi, yutish, so’rish va nutq so’zlash funkciyalari joylashgan.
Bo’yinning chuqur muskullariga lateral tomonda joylashgan oldingi, o’rta va orqa narvonsimon muskullar kiradi. Bu muskullar bo’yin umurtqalarining yon o’smitalaridan ketma-ket boshlanib, birinchi va ikkinchi qovurg’a birikadi. Narvonsimon muskullar asosan umurtqa pog’onasining bo’yin qismini oldinga va orqaga burishda ishtirok etadi. Medial tomonda, bo’yinning va kallaning uzun muskullari, boshning oldingi va lateral to’g’ri muskullari joylashadi. Bo’yinning chuqur muskullari bo’yin umurtqalari tanasiga yopishgan bo’lib, umurtqa pog’onasining xarakatida ishtirok etadi.
Bo’yin va boshni bukishda quyidagi muskullar ishtirok etadi:

1. 
   Boshning uzun muskuli
   
2. 
   Bo’yinning uzun muskuli
   
3. 
   Boshning to’g’ri muskuli
   
4. 
   Narvonsimon muskul
   
5. 
   To’sh-o’mrov so’rg’ichsimon muskul