Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

Каналли техник углеродни ишлаб чиқариш

295. 
     Ёниш камерасини ишга туширишдан аввал унинг ускуна ва коммуникациялари созлигига ишонч ҳосил қилиш даркор.
     
296. 
     Камералар ишлаётганда швеллерлар юзасидаги чўкинди техник углеродни қирғичлар тўлиқ тозалаб туширишини кузатиш даркор, акс ҳолда қолган техник углерод ёниб кетиши мумкин.
     

V - боб. Иситиш печларини ишлатишдаги
хавфсизлик талаблари

297. 
     Печни олов билан иситиш ускунаси, иситилаётган элементларида, ўчоқ ичида ва печ ишчи зонасида портлашдан хавфли аралашмалар вужудга келиши эҳтимолини йўқ қилувчи техник воситалар билан жиҳозланиши даркор.
     
298. 
     Қуйидагилар йўқ бўлса иситиш печларини ишлатиш мумкин эмас:
     

1. 
   ёнилғи, ҳаво ва сув буғининг белгиланган нисбатини тартиблаш тизими;
   
2. 
   газсимон ёнилғи ва ҳаво босими белгиланган кўрсаткичлардан пасайиб кетса, ҳамда НЎА ва А электр ва пневмо таъминланиши тўхтаса, улар (газсимон ёнилғи ва ҳаво) берилишини тўхтатувчи тўсқичлар;
   
3. 
   ўчоқ ичига хайдаб берилаётган ёнилғи ва ҳаво келиши тўхтаб қолганлиги ҳақида сигнал бериш воситалари;
   
4. 
   тутун тортгич тўхтаб ишламай қолса ёки печдаги сийракланиш рухсат этилган меъёр даражасидан пасайиб кетса, тутун тортиш даражасини назорат қилиш ва ёниш зонасига ёнилғи газ берилишини автоматик равишда тўхтатиш воситалари, агар печ агрегатлари утилловчи қозонлар билан бутланганда эса – агрегатларни тутунторткичсиз ишлашга ўтказиш тузилмалари;
   
5. 
   қувурлар куйганда, ўчоққа ва змеевикларга сув буғини етқазиш воситалари;
   
6. 
   қувурлар шикастланса ёки ундаги маҳсулот айланиши тўхтаса, печ змеевикларини иситилаётган суюқ маҳсулотдан бўшатиш тизими;
   
7. 
   змеевиклар тизимидаги авария ҳолатларида масофадан туриб хомашё ва ёнилғи етказиш тизими.
   

299. 
     Очиқ оловли печлар автоматик равишда ва (ёки) масофадан туриб ишга тушириладиган буғли парда билан тўсилиши лозим. Парда пайдо бўлиши билан сигнал тизими ишга тушиб кетиши керак.
     
300. 
     Иситиш печлари учун мўлжалланган ёнилғи гази ундаги суюқ газ, намлик ва механик аралашмалар бўйича технологик режим талабларига жавоб бериши лозим.