O `zbekiston Respublikasi Sog`liqni saqlash vazirligi Toshkent farmatsevtika instituti Farmatsevtik kimyo kafedrasi dori vositalarining instrumental tahlil usullari fanidan o`quv-uslubiy majmua

III.Qurilmada ishlashni tugatish

1. 
   Eritmalar kyuvetadan to‘kib yuboriladi.
   
2. 
   Kyuvetalar tozalangan suv bilan chayib yuboriladi va Petri chashkasiga tubini yuqori qilib joylanadi (Kyuvetalarni tahlil butkul yakunlangach chayiladi. Alohida o‘lchashlar orasida chayish kerak emas!).
   
3. 
   Qurilma o‘chiriladi (tumbler o‘chiriladi, qurilma tok manbaidan uziladi.).
   
4. 
   Kyuveta bo‘lmasi qopqog‘i yopiladi.
   

Eslatma. KFK-2 qurilmasida ishlash jarayonida quyidagi qoidalarga rioya qilish shart:

1. 
   Qurilmani tarmoqqa ulashdan oldin erga ulanganligini tekshirish lozim
   
2. 
   Qurilmani maqsadsiz yoniq qoldirmang.
   
3. 
   Qurilmani toza tuting, reaktivlarni to‘kmang
   
4. 
   Kyuveta bo‘lmasi qopqog‘ini qattiq yopmang.
   
5. 
   Ayniqsa kyuvetalar bilan ishlashda ehtiyot bo‘ling,ularni tirnamang va faqat toza va yumshoq mato (doka) bilan arting
   
6. 
   Svetofiltrni almashtirgach 5 daqiqadan oldin tahlilni boshlamang.
   
7. 
   Svetofiltrlar o‘zgartirilayotganda va kyuvetalar almashtirilayotganda mikroampermetr o‘chirilgan bo‘lishi kerak.(5-6 tutqichlar chapga buralgan holatda bo‘lishi kerak)
   

Svetofiltrni tanlash.
Fotoelektrokolorimetrik tahlil o‘tkazishda turli to‘lqin uzunligiga ega bo‘lgan monoxromatik nurlardan foydalanishni hisobga olish lozim. Polixromatik nurlarni monoxromatik nurlarga o‘tkazishda svetofiltlardan foydalaniladi. KFK-2 asbobida 11ta svetofiltrdan iborat to‘plam mavjud. Aniq bir svetofiltrdan foydalanish tekshiriluvchi eritma orqali aniq to‘lqin uzunligiga ega bo‘lgan hamda tekshiriluvchi modda yutadigan nurni o‘tkazish imkonini beradi. Odatda samarali to‘lqin uzunligi va svetofiltr rangi qo‘llaniladigan usulda keltirilgan bo‘ladi. Agar bunday ko‘rsatma bo‘lmasa kerakli svetofiltrni quyidagi jadval orali tanlash mumkin.
Eslatma.
Ushbu jadval bo‘yicha svetofiltr tanlash taxminiydir, chunki ayrim eritmalar bir xil rangga ega bo‘lsa ham tanlab turli to‘lqin uzunlikdagi nurni yutadi. Shu bois svetofiltr tanlashda tekshiriluvchi moddaning nur yutish spektrini bilgan ma’qul, va svetofiltrni shunday tanlanadiki u modda maksimal darajada yutadigan to‘lqin uzunlikdagi nurni o‘tkazishi darkor. Shunday qilib svetofiltr tanlanganda tekshiriluvchi moddaning optik zichligi yung yuqori bo‘lgan nur optimal to‘lqin uzunlikdagi nur hisoblanadi.