O ’zbekiston respublikasi sog’liqni saqlash vazirligi farmatsevtika ta’lim va tadqiqot instituti

UMUMIY QOIDALAR

1. Mazkur qoidalar mulkchilik shaklidan qat’i nazar barcha dorixona muassasalari uchun taalluqlidir.
2. Dorixona muassasalari tomonidan tayyorlanadigan va idishga joylanadigan dori vositalarini tashqi bezashda tegishli yorliqlardan foydalaniladi, ularni qo‘llanilishiga qarab quyidagilarga bo‘linadi hamda tegishli ajratish rangli hoshiyalar bilan farqlanadi.

1. 
   “Sirtqi” — to‘q sariq rangli;
   
2. 
   “Ichish uchun” — yashil rangli;
   
3. 
   “Ko‘z tomchisi” — pushti rangli;
   
4. 
   “Ko‘z surtmasi” — pushti rangli;
   
5. 
   “Inyeksiya uchun” — ko‘k rangli.
   

3. Dorixona muassasalari tomonidan tayyorlanadigan va idishga joylanadigan dori vositalarini tashqi bezashda ishlatiladigan yorliqlarning barchasida quyidagi shartli belgi va yozuvlar bo‘lishi kerak:

1. 
   emblema (ilon o‘ralgan vaza);
   
2. 
   dorixonaning nomi;
   
3. 
   dorining nomi;
   
4. 
   qo‘llash usuli;
   
5. 
   Bolalardan ehtiyot qiling;
   
6. 
   Salqin va yorug‘lik tushmaydigan joyda saqlansin degan ogohlantiruvchi yozuvlar;
   
7. 
   “Sirtqi” ishlatiladigan surtma dorilar yorlig‘ida “Surtma” degan, “Ichish uchun” ishlatiladigan kukun dorilar yorlig‘ida “Kukun dori” degan yozuv, “Ko‘z tomchisi” dorisi yorlig‘ida tomchi va ko‘zning rasmi, “Ko‘z surtmasi” dorisi yorlig‘ida ko‘zning rasmi, “Inyeksiya” uchun ishlatiladigan dorilar yorlig‘ida “Sterillangan” degan yozuv hamda ignali shprits rasmi bo‘ladi.
   

4. Alohida saqlash sharoitini, ehtiyotlik bilan ishlatishni talab qilinadigan dori vositalariga asosiy yorliqdan tashqari, qo‘shimcha ogohlantiruvchi yozuvlar yopishtiriladi (1-sonli ilova). Ular quyidagi matnda davlat tilida yoziladi va tegishli ajratish ranglarga bo‘yaladi:

1. 
   “Qo‘llashdan oldin chayqatilsin” — asosi oq rangda, harflari yashil;
   
2. 
   “Yorug‘lik tushmaydigan joyda saqlansin” — asosi ko‘k rangda, harflari oq;
   
3. 
   “Salqin joyda saqlansin” — asosi havo rangda, harflari oq;
   
4. 
   “Bolalar uchun” — asosi yashil rangda, harflari oq;
   
5. 
   “Ehtiyotlik bilan!” — asosi oq rangda, harflari qizil;
   
6. 
   “Yurak dorisi” — asosi to‘q sariq rangda, harflari oq;
   
7. 
   “Olovdan saqlang” — asosi qizil rangda, harflari oq.
   

5. Yorliqlar dori vositalari solinadigan idish hajmiga va turiga qarab quyidagi o‘lchamlarda bo‘ladi:

1. 
   hajmi 10 ml/dan 100 ml bo‘lgan idishlar uchun — 63x30 mm;
   
2. 
   hajmi 100 ml/dan 200 ml bo‘lgan idishlar uchun — 90x48 mm;
   
3. 
   hajmi 200 ml/dan katta bo‘lgan idishlar uchun — 120x65 mm;
   
4. 
   dorilarga ishlatiladigan karton quti, qog‘oz paketlar uchun — 70x50 mm;
   
5. 
   hajmi 10 gr/dan 30 gr bo‘lgan bankalar uchun — 66x20 mm;
   
6. 
   hajmi 30 gr/dan katta bo‘lgan bankalar uchun — 81x27 mm.