O ’zbekiston respublikasi oliy va o’rta maxsus ta’lim vazirligi toshkent viloyati kasbiy ta’limni rivoglantirish va muvofiqlashtirish hududiy boshqarmasi toshkent tumani 1-sonli kasb-hunar maktabi aniq va tabiiy fanlar kafedrasi kimyo

JINNIXONAGA TUSHASIZ
Buyuk nemis geologi Remerdan bir talaba so‘radi:
-Aytingchi, professor, shu zaldan yerni parmalab teshik ochsam, qayerga tushaman?
-Bilaman, - javob berdi professor. - Siz to‘ppadan - to‘g‘ri jinni-xonaga tushasiz.

NEGA MENDAN KO‘ZINGIZNI UZMADINGIZ

Mashhur fransuz fizigi Lanjevan eng murakkab narsalar haqida xam tushunarli qilib gapirish xususiyatiga ega edi. Kunlardan birida u Fransuz Akademiyasida qoyilmoqom ma’ruza o‘qidi va ommaviy bayonlashning xaqiqiy namunasini amalga oshirdi.
Ma’ruzadan so‘ng xamkasblari uni o‘rab olib, bunday muvaffaqiyatning sirini so‘rashdi.
-Bu juda oson, - javob berdi olim, - ma’ruza paytida tinglovchilar orasidan xech narsa tushunmay o‘tirgan basharani tanlaymanda, to u tushunib yetmaguncha tushuntiraveraman.
Shu paytda Lanjevanning oldiga Fanlar Akademiyasining prezidenti keldi.
- Xamkasaba, Sizni chin qalbimdan tabriklayman,
- deya ta’kidladi u. Ma’ruza juda zo‘r. Ammo, xudo haqi, aytingchi, nega mendan ko‘zingizni uzmadingiz?


EYNSHTEYN VA CHAPLIN

Albert Eynshteyn Charli Chaplinning filmlarini yoqtirar va u yaratgan qahramonlarga katta hurmat bilan qarar edi. Bir kuni Chaplinga yozgan xatida shunday yozdi:

- «Sizning «Oltin vasvasasi» filmingiz butun dunyoda tushunarli, va Siz albatta buyuk odam bo‘lasiz. Eynshteyn».
Bunga Chaplin quyidagi javobni yozdi:
- «Men Sizga ko‘proq qoyil qolaman. Sizning nisbiylik nazariyangizni dunyoda hech kim tushunmaydi, Siz esa, baribir buyuk odam bo‘ldingiz. Chaplin».


QASOS SIFATIDA QARANGLAR
Gyottingenda o‘qib yurgan kunlarning birida Nils Bor kollokviumga yomon tayyorlanib keldi va uning ma’ruzasi sayozroq chiqdi.
Biroq, Bor o‘zini yo‘qotmadi va kulimsirab dedi:
- Men bu yerda shunchalik ko‘p yomon ma’ruzalarni tingladimki, mening ushbu ma’ruzamni qasos sifatida qarashingizni iltimos qilaman.