O ’zbekiston respublikasi oliy va o’rta maxsus ta’lim vazirligi guliston davlat universiteti ijtimoiy-iqtisodiy fakultet

Iqtisodiy omillar ham ichki, ham tashqi bo‘lishi mumkin. Unda asosan, diniy ekstremizm va xalqaro terrorizm faoliyatini zarur bo‘lgan moddiy-moliyaviy, harbiy-texnik resurslar bilan ta’minlash manbalari nazarda tutiladi. Ma’lumotlarga ko‘ra, ushbu resurslar narkobiznes, noqonuniy qurol savdosi, terrorchilik maqsadlariga yo‘naltirilgan savdo, xizmat ko‘rsatish va ishlab chiqarish korxonalari, bank, jamg‘armalarning tashkil etilishi hisobidan keladigan daromadlardan iborat bo‘lmoqda.

Siyosiy omillar (ichki va tashqi bo‘lishi mumkin) ta’sirida ham xalqaro terroristlar o‘z faoliyatini amalga oshirishda ba’zi “muvaffaqiyat”larga erishmoqdalar. Ular ichida “terror” va “xalqaro terrorizm” tushunchasiga umumiy to‘xtamdagi ta’rifning yo‘qligi, bunday harakatlarga beparvolik bilan qarash yoki “milliy ozodlik uchun kurash” ma’nosida qabul qilinayotgani alohida e’tiborni talab qiladi. O‘z navbatida, geosiyosiy maqsadlarni ro‘yobga chiqarish ilinjida “ikki standartli” yondashuvlarning namoyon bo‘layotgani ham xalqaro terrorizm va diniy ekstremizmning vujudga kelishiga katta ta’sir ko‘rsatmoqda.